ابراهيم جادالكريم
الحوار المتمدن-العدد: 4263 - 2013 / 11 / 2 - 11:01
المحور:
الادب والفن
القمر .... و الحضن
زمان كان للقمر .... ضوء ثانى
كان يضمنا مع الأحباب كلنا
كان لنوره طعم ودفا
بيسرى فى كل مكان حولنا
كنا بنقعد نستناه
وكأنه كان لنا كلنا ميعاد يضمنا
كل القلوب فى حضن
كبير كله حنان فى أمنا
كنا بنجرى و نلعب
فى الحضن اللى كان بيضمنا
مهما بعدنا أو جرينا
كنا كلنا حاسين أننا
تحت الدفا وجوه أمنا
و كأن ضوء القمر اللى كان
بيملى كل المكان
هو هو حضن أمنا
---------------------------------------------
#ابراهيم_جادالكريم (هاشتاغ)
كيف تدعم-ين الحوار المتمدن واليسار والعلمانية
على الانترنت؟