ابراهيم جادالكريم
الحوار المتمدن-العدد: 4259 - 2013 / 10 / 29 - 13:17
المحور:
الادب والفن
كان فى قلبى كلمه واحده ... ولقلبك شلتها
قلت لك كلمة باحبك ... وياريتنى ما قلتها
كان منايا فى يوم أكون لك وتبقى قسمتى
والنهارده جاى أقولك ... أنا باسحب كلمتى
كنت نور عينى وحياتى وفرحة دنيتى
كنت نور عينى وحياتى وفرحة دنيتى
كنت أقرب منى ليا وعيونك جنتى
كنت نور العمر كله وطريقى وسكتى
والنهارده جاى أقولك أنا باسحب كلمتى
أحلف بعيونى الحزينه ... والغربه والجراح
لآبتدى تانى حياتى وأتعلم من اللى راح
مستحيل ها تكونى سكه أخرتها غربتى
كان منايا فى يوم أكون لك وتبقى قسمتى
والنهارده جاى أقولك ... أنا باسحب كلمتى
دارى بعينيك الحقيقه والعشره والخداع
مهما تتعذب أهاتى ...مش حاندم على اللى راح
مش حاقول كان قلبى ليك
مش حا قول ... كان لى فيك
مش حا قول غير كلمه ونسيتها ... فى دنيتى
كان منايا أكون لك وتبقى قسمتى
والنهارده جاى أقولك
أنا باسحب
كلمتى
#ابراهيم_جادالكريم (هاشتاغ)
كيف تدعم-ين الحوار المتمدن واليسار والعلمانية
على الانترنت؟