ويخليلي حَماتَك

جوان سوز

الحوار المتمدن-العدد: 4228 - 2013 / 9 / 27 - 18:57
المحور: كتابات ساخرة
    

ويخليلي حَماتَك ...

أيْ وين كنَا !؟... تذكَرت ... رحنا لعندها , شربنا قهوة , شربنا شاي ورحت جبت الخبز مع أخوها وبالمناسبة أنا دَفعتْ حَقُه وأكلنا " سينية بطاطا "بس والله ما كنا هون وكانَ الطعامُ لَذيذاَ , شربنا عَصير وكولا عالأكل , شربنا شاي بعد الأكل وأنت فَتحتْ بريدَك مشان رسائل بان غي مون , بس وحياتَك ما كنا هون ! ... تذكرت ... كنت بدي دَخنْ سيجارة بس وين القداحة ؟ عطيتني ياها , قصدي شلفتها عَلَي بس والله ما كنا هون , لَك شو بدي أتذَكَر لأتذكر والله ما كنا هون وشربنا عندها قهوة من جديد ورجعنا وأنت منفوخ من كتر الأكل .

بس , لَعمى شو ذاكرتي ضعيفة ؟, ما كنا هون , يمكن كان حَديثَك مُهم بس ما انتبهت عليك وكان بالي عندها , قصدي عند شي وحدة من اللي بحكي معهم عالفيسبووك , آخذين عقلي .... بس والله ما كنا هون يمكن لأني كنت عم فَكر بالسفر من تركيا ع ألمانيا مروراً بأذربيجان وبالي مَشغوُل , لَك يحرقْ حَريشَك ع هالطريق يا أمين , لَك يا دْب " العرسْ بدوما والطبلْ بِحرستااااااااااااااا " وشو جاب لَجاب وبالمناسبة من إبداعات الثورة و الشبيحة لا بقي دوما وولا بقي حَرستا وولا هم يحزنون بَس اتركوني من الأسد لأنو " ابنْ قَحبة " وخلوني اتذَكَر وين كنت ؟

لَك يا ناس , يا هو , وين كنت!؟ ... تذكرت ... عم فَكر أطلع ع " أنقرة " وجدد جواز سفري مشان سافر ع روسياااااا بس والله ما كنت هون , لَك بدكم العنب ولا تقتلوا الناطور بس ذكروني واتركوني من الحرامية اللي نهبوا البلد وخلوني أتشرد بـ " بميرسين " لأنو اللي فات مات !

تذكرت ! لا ما تذكرت ! ... قَرَب الباكيت يخلص ولسا ما تذكرت , يلعن الدخان ع ساعة اللي أخترعه شو أنو غالي بتركيا !؟ بس مو هاد موضوعنا , لحظة لأتذكر , مين جاي لعندي هَلَق؟ ... تذكَرت ... ما حدا , معناتها ما عندي ولا موعد بُكرا ؟ , يا الله هلق تذكرت , صديقي طلب مني اكتب له قصيدة عَن حبيبته , بس ما أجاني الوحي ووالله ما طلع معي شي بس حابب قله " الله يخليلي حماتك " مشان عزايمها بكل يوم , لَك يلعن ربَك شو خليتني فكر واتذكر أمة لا إله إلا الله جميعاً مشانَك , بس ولا شي , مو مشكلة و الله يخليلي حَماتَك .

جوان سوز / ميرسين 3 . 09 . 2013

#جوان_سوز (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل