خالد المنصور
الحوار المتمدن-العدد: 4142 - 2013 / 7 / 3 - 17:06
المحور:
مواضيع وابحاث سياسية
المثقف ام المسقف ؟
طبعا الكلمة الاولى هي العربية اما الثانية فهي لهجة اخواننا المصريين واستنادا الى حكمة المدري منو بان مصر هي ام الدنيا فالمسقف هي الفاضلة وسواها مفضول ومنها ان المسقف يعني محمي من حر الصيف وميهتم للوطنية ولاللقومية ومحمي من برد الشتاء الا من ربيع العرب الماانزلت به الجغرافية من سلطان فالفصول الاربعة لاتظهر عندنا وانما المناخ اما شتاء زمهرير او صيف حار مينكحم ...يعني المثقف محمي وحاميه يوجهه وين ميريد والا كيف نهوس للمصريين ضد حسني الدكتاتور وتصير انتخابات ويفوز مرسي وبعدين نسميه دكتاتور عجييييييب وبالعراق واخص العراق لاني اهتم بالواقع يعني مااهتم بنظريات الحكم واثنربلوجيا الشعوب ومدا ملائمة شفايف هند للاثارة [اشمدريني بيه ماتت قبل اكثر من 1400سنة ] بالعراق نسمي المكرود ابو اسراء دكتاتور زين هو مو فاز بانتخابات ديمقراطية اقلها من الناحية العملية والله اني شفتها بعيني لمن صوتت محد وكف فوك راسي وكلي الا تنتخب خالو او عمو او تنتخب ام شعر الكستنائي او ام عباية والان مهتمين بتجريم البعث ولازم يصدر قانون بذلك وكان البعث شخص بطوله وبعرضه ولاعبالك البعث حاله حال اي بلتيقة او فيكة تبناه مسقف درس بالخارج ومشاها على البلطجية وولد الخايبة بالداخل وبعدين لمن يتهم بالدكتاتورية يبدا يصيح باكو الثورة ....لازم ثورة البعث في سوريا محد باكها لذلك ندافع عن بشار ...
الحكومات بالوراثة فد شي جريمة يعني ال سعود مينطوها بس الحكم الوراثي بالامارات هو شرعي ومبني على اسس رصينة وتنطبق عليه نظرية الجاكمية طبقا لتفكيك جاك شلون ....
الاسلام في مصر ظلامي وهندس ومتشوف بيه رحراحة ايدك بس الاسلام بالعراق متنور وقفز الى ابعد خطوة في بناء الذات الانسانية وترجمت مبادئه الى سلوك في عدم الذلة بمياه المجاري وحماية الملاعب الرياضية
القومجية ابناء معربانية وساطع الحصري محصور وميلكه مكان من كثرة الحواسم فسواه خطية على نفسه بس نفتخر ونحن نشم رائحته حين نكتب بلغته قصائدنا ونطبع مؤلفاتنا حتى نحصل على خرجية
هسه يمكن حنفتهم شنو يعني مثقف وشنو كاتب تاتيه الايكات من كل حدب وصوبي اسيا وافريقيا التي محيرني شي بيه شلون يعبر الشيشانيون والماليون والافغانيون ليقاتلوا في سوريا هل يلبسون طاقية الاخفاء ام هم كما كانت عجائزنا تقشمرنا مثل الخشاف ينذكر مينشاف والخشاف هو الخفاش والله ينشاف ويشوف بس مو بالعيون السؤال شوكت نبدا نشوف مثل الخفاش حين ذاك ربما ندرك من اين يعبر الشيشانيون الى سوريا هل عبر الاناضول ام عبر طريق الحرير الذي اكيد احد نقاطه معبر خانقين
#خالد_المنصور (هاشتاغ)
كيف تدعم-ين الحوار المتمدن واليسار والعلمانية
على الانترنت؟
اليوتيوب
لينكدإن
تيلكرام
تمبلر
بلوكر
الموبايل
إضافة إلى المفضلة
للاتصال بالكاتب-ة
