دارت ليام

جواد التباعي

الحوار المتمدن-العدد: 4085 - 2013 / 5 / 7 - 22:31
المحور: الادب والفن
    

شفت السما غيمت من غير غيام
وشفت الولد صغير شاب بالتخمام
رايت المراة كبيرة بلا جلابة ولا لثام
ونظرت الراجل غادي وجاي يهدر بلا كلام
وعرفت بلي هادي هي دروة ليام وقلت :
فين يامات السانية والعوينة والبير الغدار
وفين هي معيشة الخيمة والخبز المخمار
زمان الراديو يخدم بالحجر... كلو اخبار
والتلفزة وحدة... نتفرجو فيها حنا دوار
على قرايتنا مايخرج البارابول وكثرة الاقمار
قمر واحد وعليه نتسامروا فمرح الدار
علينا كلو نور وبغيابو يطلع النهار
شكون فيه داها اليوم غيرالاوقاف والنظار
جات ايام ومشات ايام فيها :
كان الطالب والمعلم والفقيه سادة
واحترام الصغير للكبير اكثر من عادة
ايلا شافني الفقيه برا نهجر النعاس والوسادة
حيت الغد ليه تكون عندي الكتابة والعراضة
فقراية اللوح والدواية والقلم كانت الافادة
خلينا من قرايت خاوي وعند شهادة
تكلمنا على الايام ونسينا ليالي
ليالي سهر وانس و ألفة علىلهيب النار
وفأحيدوس الحوار بين اعداء وانصار
لمة ونغمة وسعادة وشويا صراع افكار
مواضيع شلا ورسائل بين ولاد وبنات الدوار
ليالي نشاط التورن ديسك والكاسيط والمسجالة
عرس الجار عرسنا هو واحد وحنا الكمالة
شي يغني ويفرح و شي يحضي البهايم والنوالة
لاشراب ولاقرقوبي ... وحتى واحد ماعارف الكالة
ساسلام علييييييييها اياااااااااااااااااااااااااااااااااااااااااااااام
ولكن السوايـــــــــــع بدالة

#جواد_التباعي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات