مصر في مخيلة ديموقراطي

جورج المصري

الحوار المتمدن-العدد: 1140 - 2005 / 3 / 17 - 12:06
المحور: اخر الاخبار, المقالات والبيانات
    

وجه مصر المشرق
مصري هي حب المصري لوطنه ،لاخوة في الوطن ،لمصنعه لصنعته للأرض لكل شئ يمشي اويطير في مصر
مصر الان
بداء من المواطن ، مطحون ومعجون ومخدر علي كل المستويات
الفقير لايجد الغني الذي كان يعطف عليه ليس لقلة عدد الاغنياء ولكن لقلة الرحمه في قلوبهم لانهم مطحونين ومعجونين ومخدرين ... الغني صاحب العمل عمالة بلطجية بيسرقوا الخامات ويتلفوا الباقي ومعجون بسبب سرقه الموزعين لحقوقه وعدم دفع المستحقات والبنوك هي كمان بتعجن فيه قفلت المحبس علي التاجر الشريف خوفا من التاجر الحرامي ؟ ونسي العالم ان الشريف هو اللي بيسدد و التاجر الحرامي مشتريهم بفلوسهم و التاجر الحرامي هو كمان مطحون من الحرامية الكبار ومعجون في الديون ومتخدر بوجود النظام القضائي المهلهل والقضايا تتأجل وتتأجل وموت ياحمار علي مايجيلك العليق ... و الفقير انواع نوع مسيحي ونوع مسلم المسيحي منعوا عنه الميه و النور ونازلين تخريط وتفريط في عرضه ولارحمه لامن شعب ولامن حكومه و المسلم الفقير اهو عايش ذي اي حاجه غير الانسان مخدرينه بجواز الاربعه واهو نازل خلفه وخارب حياتة وحياة غيرة .

من اين اصل الشرور ؟
غياب الدولة وحضورها في غير المكان و الوقت ... في الوقت اللي تنتظر الدولة تكون موجودة تجد الدولة فص ملح وداب و في الوقت اللي لازم تكون البعيدة بعيده تجدها راكبه علي نفس الخلق وعاملة عنتر بن فناس .
وينطبق عليها مثل جة يصلحها عماها .

كل وزير يجي يطلع قرارات جديدة ويمسح بأستيكة القرارات اللي قبلة وكان البعيد اللي قبلة كان حمار وتبتدي القصه من تاني تصريحات وتصريحات و رئيس الوزراء جه وراح و الحال ذي ماهو ذفت بعيد عنكم بس مين يهتم ومين يعمل ... حكومة مصر اكبر بياع كلام وعلمت البلد كلها المهوبصه والكل من اولها لاخرها بياع كلام.

المصري فاكر ان اقصر طريق للوصول للغني هو جيب اللي جنبة ... كان زمان كل واحد يمشي وايده في جيبة دلوقت كل واحد ماشي وايدة في....... بلاش في جيب اللي جنبة ... جيبه اللي قدام او جيبة اللي ورا متفرقش ... طب ياتري بيدورا علي اية ان كان الكل اصبح خرابه بسبب النبي حارسهم العائلة المالكه المباركية .
نفسي اعدد لك محاسن مقلتش غير الكلام ولما دورت وبحت ودققت لقيته برضه الكلام ولما تعمقت علشان اشوفلك فايدة ملقتش حتي في كلامك فايدة؟

اقتصاد زفت ، تعليم زفت، الصحة العامه زفت، اسعار زفتين ، وظائف مليون زفت ، موصلات زفت، الغلاء مليونين زفت ، الحريه ماتت واختفت من زمان وملهاش وجود ولو كانت برضه كانت تكون موجودة حالتها لازم تكون زفت في زفت ... فسئلت واحد ظريف اية حكاية مصر وحكاية الزفت فقال اصل مصر اكبر منتج للزفت في العالم مش الزفت اللي وصل البرميل منه بـ 55 دولار .... ده زفت ماحدش يعرف يصنعه غير حكومة مصر ولاحتي الصين بجلاله قدرها تقدر تصنعه بالكميات الهائلة دي او حتي تعرف توزعه كدة في العالم كله فزفت مصر طفح من كثر نفخ آل سعود في جميع انحاء العالم ... يامبارك كفاية زفت وبارك شعب مصر برحيلك المبكر ومتنساش تاخد رئيس عمال مصانع الزفت بتوعك معاك وهم اول حرف من أسمائهم صفوت الشريف وحبيب العادلي ... الشعب لوطالهم وطالك حتبقي اول ثورة شعبية دمويه ولو الشعب فتك بيكم مش حنقدر نطبق المثل اللي بيقول اذكروا محاسن موتاكم لان ياسادة الرئيس افضل حسنه ليست انت فاعلها بل الخالق عزوجل عندما يستضيفك في جهنم الي ابد الابدين ان شاء الله فحتي دي الحسنه الوحيدة ... رحيلك بالسلامه انت و الاثنين الظراف اللطاف الوله قلة الشريف و الوله شردوح الوزير .... ياريت تتعظوا وتفتكروا المثل للي بيقول اصبر علي جارك السو لايرحل لاتيجي مصيبة تاخده .... أنت احرار اختاروا اللي يريحكم ياترحلوا بسرعه لانه المصيبه جاية جايه ... ياريت اطلع غلطان وتتطلعوا مرة واحدة اذكياء وترحلوا قبل فوات الاوان. ولقد اعذر من انذر وما علي الرسول الا البلاغ الشعب بيغلي و العالم كلة مستني ... مش كدة ولاأيه مع تحياتي للاستاذ فؤاد المهندس ممكن توصل النصيحه للاخ مبارك الغير شريف الغير عادلي .

#جورج_المصري (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل