عماد عبد الملك بولس
الحوار المتمدن-العدد: 3790 - 2012 / 7 / 16 - 19:37
المحور:
الادب والفن
أنـا علــى فكــــرة
مواعـــد بكـــــرة
انـــه يجيبلــــــى
حاجــــة تخلــــــىِّ
عينـــى تشـــــوف
وتــزيح الخـــــوف
***
برضــــه كمــــان
حــلفته ان كــــان
ح يعِّـــدى النيــــل
يفـــرش منديـــــل
ويجـــيب جـــــواه
مـرهـــــم لــــــلآه
***
لكــــن بكـــــرة
آخــــر مــــــرة
بعــت لــى جــواب
زى الأغـــــراب
بيقول ما حــاجيش
مــا تآخذنيــــش
***
بيقـــول السِـــكَّة
مقطـــوعة وعاكَّــــة
ومفيــش اتوبيـــس
ولا حتــى ونيـــــس
لـو عايــز اتمشــــى
فى السـكة الوحشــــة
***
وبعــت لــى نصيحــة
مش حتـى مريحـــــة
بيقول : " لـو تِعْمِـــل
ســــكة وتتحـــمل
أنـا حاجـــى قــــوام
جــايب الأحــــلام "
***
قمــت أنا بالعــــود
غنيــت بـوعـــــود
وفضلـــت أغنــــى
علــى انــى راح ابنــى
راح بكـــره كمـــان
ناســـى العنـــــوان
***
(1989)
#عماد_عبد_الملك_بولس (هاشتاغ)
كيف تدعم-ين الحوار المتمدن واليسار والعلمانية
على الانترنت؟