تبرعاتكم وتبرعاتكن المالية تحفظ استقلال الحوار المتمدن، فشاركونا في دعم استمرارية هذا الفضاء اليساري الحر

من ساعتها وحلفت اشرب سجاير 2 (قصة)

صموئيل رمسيس سليم

الحوار المتمدن-العدد: 3698 - 2012 / 4 / 14 - 01:22
المحور: الادب والفن

المهم رحت قعدت وكان جنبي واحد فلاح وابنه ... دار الحوار ده بيني وبين الفلاح
الفلاح : هو حضرتك مش بتدخن
انا : لا يا حاج مش بدخن
الفلاح : ولا بتشرب بانجو
انا : بانجو ايه يا حاج ... انا بتخنق اساسا من ريحة السجاير
الفلاح : انا لما كنت في سنك .. مكنتش اقدر اشرب سجاير
انا : طيب كويس ... لكن دلوقتي ليه بتدخن يا حاج
الفلاح : بدخن من وقت ما ابويا الله يرجمه ما مات
انا : يعني حضرتك بتدخن علشان كنت حزين علي والدك
الفلاح : لا يا بني ... اسمحيلي اقولك يا ابني .... لانك في سنك ابني
انا : طبعا دا شرف ليا يا حاج حضرتك في مقام والدي ... لكن حضرتك دخنت ليه سجاير بعد وفاة والدك
الفلاح : اصلي الصراحة مكنتش بعرف ابويا بيحط السجاير فين ... ومكنش بيديني فلوس اشتري سجاير .
انا : وحضرتك بتدخن من كام سنة تقريبا
الفلاح : من سن 12 سنة
انا : يلاهوي يا حاج .... بتدخن من زمان اووي .. بس عارف ان السجاير مضرة اووي بالصحة
الفلاح : ايوه يا بني ما انا عرفت كده من كام شهر لما كنت عند الدكتور بتاع الاسنان قالي ان اسنانك بقيت صفرا من كتر السجاير
انا : اسنان ايه يا حاج دي السجاير بتتعب القلب والرئة
الفلاح : تصدق فعلا ... دي بتتعب القلب اووي .. لاني من ساعة ما شربت السجاير كنت لما بشوف واحدة بحبها .. وكانت بتتعب قلبي اووي علشان اتكلم معاها
انا : (ضحكت وقولت في سري : بنات ايه ياحاج) علي العموم فرصة سعيدة
الفلاح : شكرا بس هو انت بتشتغل ايه
انا : انا مانجر في شركة
الفلاح : ايوه ايوه ايوه انا ابني دايما بيسمع مانجر .. بس انت بتعرف تطير في الهوا
انا : لا يا حاج انا ااقصد مانجر يعني مدير مش ماسنجر اللي بيطير في الهوا
الفلاح : وانت رايح فين
انا : عندي ميتنج
الفلاح : الدوام لله .. ودا اتوفي ازاي كان تعبان ولا حادثة ... بس انت رايح واجب عزا وانت لابس بدلة ومعاك شنطة
انا : عزا ايه يا حاج انا رايح اجتماع عمل
شعرت وقتها ان عقلي اقترب من ان يتوقف عن اداء مهامه ...
الي اللقاء الجزء الثالث

#صموئيل_رمسيس_سليم (هاشتاغ)

ترجم الموضوع إلى لغات أخرى - Translate the topic into other languages

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن
في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على: الفيسبوك التويتر اليوتيوب RSS الانستغرام لينكدإن تيلكرام بنترست تمبلر بلوكر فليبورد الموبايل