زجل: احوال الدنيا

يوسف هريمة

الحوار المتمدن-العدد: 3652 - 2012 / 2 / 28 - 00:53
المحور: الادب والفن
    

بنادَمْ كِالطَّيْر الحُرّْ
إلى ما لقا من يرويه
يرفرَفْ ويهْجَر مْكانو
والحقّْ فْ بلاد الظلم
كُلْما وقَفْ يطيَّح ميزانو
الرجلة ولاَّت قَدّْ وقوام
إلى ما عندك درهم
بالهمّْ تكتَبْ شْجانو
الشماتة ولَاَّ سيد الرجال
يتباهى قدام قرانو
بكي وزيد بكي يا قلبي
والى نشفات دموعك
من صهدها شعل نيرانو
كل يوم نقطع ورقة
نحسب ايامي ارقام
والورد هْجَر جنانو
المعقول حْسَبْتُو عْصا
تنذَرْني منْ شر الطريق
ما فاضْ بيَ جُودو ولا حْنانو
الصبر عيَا ما يصبرْ
وعليها تقطَّعْ لْسانو
والحب اللي قراوه سيادي حروف
تاه وغيَّر عنوانو
الكذوب ما ليه لجام
مَنْ حقُّو
هذا زْمانو
والصِّدقْ ولاَّ غريب فْ بلادو
يروي حديثو واحزانو
الخوف مَنُّو دارو تمثال
واللِّي ما رْكَع فْ مَحْرابو
ولاَّ عْلى بابو
ما يعرف احسانو
الغْدَر خنجَر
وشُوكة فعْيانو
والوْفا قليلْ يا الهايم فْ الطريق
راه ما كاين فرق بِينْ العدُو
والصّْديق
واخَّا يعَرِّي ليكْ على سْنانو
الدنيا مْثَلْها مْثَلْ الكتاب
تدخلْ من بابْ وتخرج من بابْ
الله يرحمْ المجذوبْ
منُّو تفجرات المعاني
ونبتاتْ وْرُودْ فْ حْضَانو
مهبولْ اللِّي يثيقْ فْ الدنيا
العْمَرْ رمشةْ عيْن
وشْجَرْ لاحْ وْراقو واغْصانو

#يوسف_هريمة (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل