محمد السعيد أبوسالم
(Mohamed Elsaied Abosalem)
الحوار المتمدن-العدد: 3586 - 2011 / 12 / 24 - 07:38
المحور:
الادب والفن
لسه ساكت بعد الدم والرصاص
بعد العرض والشرف وتعرية البنات ..!!
موت بسكاتك يا بايع أرضك بخوفك
وشاري دنيتك برغيف عيش
وعلشانه بتبوس ألف جزمه وبياده
وساكت
وعامل نفسك أعمى
ومش سامع الصوت إللى بينديك
قوم يا عبد إكسر قيودك
قوم وحطم خوفك
وتعال جمبي يا رفيقي
نتصدى للإستغلال والظلم
ونطلع من جديد الشمس
ونرسم من جديد السعاده فى القلب
قوم يا ساكت ومتقولش أعذار
دا بكره مش هيستناك
تعال ناضل للبقاء
ناضل لحياه كريمه
ناضل للكرامه البعيده عن إدينا ...
قوم يا ساكت عن الحق
يا راضي بالظلم
يا إنسان فى صفة عبد
قوم إنتفض ثور
كافح وإصنع بصمودك الوجود,
لسه ساكت .!!
بس أنا من ورا سكاتك سامع إقتراب الصوت ...
#محمد_السعيد_أبوسالم (هاشتاغ)
Mohamed_Elsaied_Abosalem#
كيف تدعم-ين الحوار المتمدن واليسار والعلمانية
على الانترنت؟