قصاقيص اتجننت فى سجن المرج – 8

مايكل نبيل سند

الحوار المتمدن-العدد: 3515 - 2011 / 10 / 13 - 07:19
المحور: حملات سياسية , حملات للدفاع عن حقوق الانسان والحرية لمعتقلي الرأي والضمير
    

- معجب جداً بتجربة ”الكتلة المصرية“، ولو انى شايف انها المفروض تبذل مجهود أكبر فى جذب باقى الأحزاب والتيارات المدنية، وكمان المرشحين المدنيين لرئاسة الجمهورية. 2011/9/27
- رأيى فى الصراع السياسى اللى داير حالياً بين العسكر والقوى الثورية، اننا نعمل الانتخابات الرئاسية بدل انتخابات مجلس الشعب فى نوفمبر، وبكده يبقى الحكم العسكرى استمر 10 شهور، ولما يبقى عندنا رئيس جديد نبقى نعمل دستور وانتخابات على مهلنا. 2011/9/27
- المشير نزل وسط البلد بملابس مدنية بدون حراسة... مش عارف، هو فاكر الشعب ده أهبل وهياكل من الكلام ده؟ 2011/9/27
- مش عارف، داليا عثمان اللى بتكتب الأخبار العسكرية فى المصرى اليوم، هل تقرب لإسماعيل عتما رئيس إدارة الشئون النفسية والمعنوية؟ وهل هى شخصية حقيقية أصلاً ولا اسم مستعار بتستخدمه إدارة الشئون النفسية والمعنوية؟ 2011/9/27
- أيام مبارك كانت الموازنة العامة للدولة فيها 70 مليون جنيه بيتصرفوا لرئيس الجمهورية تحت بند ”بدل ولاء“، علشان يدفعهم رشاوى للناس والعسكريين والسياسيين علشان يضمن ولائهم... يا ترى البند ده لسه موجود فى الموازنة اللى عملها المجلس العسكرى؟ 2011/9/27
- عجبى ان الإسرائيليين خلصوا التحقيق فى حادثة الحدود المصرية فى 3 ايام بس، واعتذروا عن الحادث... المصيبة عندنا احنا، اللى قضية خالد سعيد ليها سنة ونص ولسه متحكمش فيها، والداخلية ماعتذرتش عنها... ده غير قضايا قتل المتظاهرين اللى ليها 10 شهور ولسه متحكمش فيها برضه! 2011/9/27
- الفرض بين نظام الجواز التقليدى ونظام العلاقات زى الفرق بين طريقة إعداد الأكل: الجواز التقليدى بالظبط عامل زى واحد حاسس بالجوع فابتدى يحرث الأرض ويرمى البذور ويرعاها ويطلع الثمار، ويستغل النباتات فى انه يربى حيوانات ويستناها لما تكبر، وبعدين يستخدم لحوم الحيوانات وثمار النباتات فى انه يطبخ الأكل، وبعدين ياكله... نظام العلاقات كأنه بالظبط واحد حس بالجوع فطلب أكل دليڤرى، والأكل هيوصله فى خلال ربع ساعة... الفرق واضح طبعاً. 2011/9/27

#مايكل_نبيل_سند (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل