رسالة الى وطنى

عبد الله صقر

الحوار المتمدن-العدد: 3458 - 2011 / 8 / 16 - 08:41
المحور: الادب والفن
    

بتوحشنى أوى يا وطنى
وبيوحشنى كل ما فيك
بيوحشنى نيلك وأهرامك
وجمال لياليك .....
كل ما أبعد عنك بيوحشنى
أيام الطفولة وسحر عينيك
وطبيعة شعبك اللى مخللى
الروح تجرى فيك....
........
أول ما أسيبك يا وطنى
وأوصول لبلاد الغربة
بتنزل دموع عينيى
وأقعد أفكر فيك ...
ما هو دمك بيجرى
فى دمى ... ودمعك
هو دمعى ...
وقلبى عمه ما نسيك
يا وطنى يا راوى العطشان
ويا ملجأ الهربان
ومنقظ المظلوم وقت الضيق
وواقف مع المغلوب فى
محنته .. ويا محلا مساعيك
الوفا علامة وطبع دايم فيك
رجالك وقت الشدة ....
واقفين مع الصديق ..
أولادك بيشيدوا بنيانك وبتعليك
يا وطنى من يوم ما وعيت
على الدنيا دايما للخير ألاقيك
مادد أيديك للغير ......
والغير فى الخير ناسيك
يا غارت عليك العدى
وربنا هو تاللى حاميك
يا وطنى يا أبو الآوطان
ربنا مساعدك وراعيك
من الفتن والمحن دايما
هو اللى منجيك ...
يا وطنى وحشتنى أوى
ودايما فى بالى وموش ناسيك
منين أروح أنت فى بالى
ياللى الرحمة والوفا علامة فيك
............
يا وطنى يا أبو زرع أخضر
علمتنى الحب والوفا ساعة
الشدة ووقت الضيق
حبك علمته لآولادى
وفى أى كان أروحه داما
أفتخر فيك......
وأنا فى غربتى بتوحشنى
وبيوحشنى نيلك وجمال لياليك

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل