دندنه

سعيد حسين عليوي

الحوار المتمدن-العدد: 3435 - 2011 / 7 / 23 - 14:30
المحور: الادب والفن
    

صرح وزير المكننه
مچلبين بيها بمنگنه
منهدهه لو الله يجي
صارت ملك ومقننه
صرح وگال الچرخچي
نباگت عباتي -- دندنه
بيا دنيه صارت هكذا
شغلتنه والله مسودنه
ما شفت عمري ولا اسمعت
بوضح النهار انباگ انه
وشلون بوگ بلا خجل
ضاعت ولك يبن الشعب
للركبه طمستنه غدت
محنه چبيره محنحنه
صرح وگال الغافقي
حربي على اهل الفساد
لازم نرجع حگنه
لاچن خطيه ما گدر
طلعوا ربع ومبينه
انطاهم النوبه عفوا
زوْروا تره بس هل السنه
لموا وترسوا الباخره
متصح ولا ترجع لنه
ريشوا ولا يهتم احد
حصتنه بير من الذهب
نبقه ملوك وماكنه
يحمينه هل الشعب الوفي
يمشي يضل مية سنه
صرح وگال ابن الشعب
كافي بعد
ما تضل دوم مزرگنه
اعرفناكم وماضل عتب
كل جمعه نمشي بساحنه
نعيشكم بحيره وقلق
وتقودنه افكارنه
منعوف ساحتنه ولا
نقبل عذر
مفتحين صرنه حاضنه
منفرط بحگنه ونهب
اعصار يعصر عاجنه
تيار يجتاح الوطن
يكرف بدربه الماوفه
كل المياه الاسنه
امراض خيمت بالبلد
ارجعنه گري -- الف سنه
جيمت عقول وصلبخت
منلفكر چنها مزينه
مظلم نفقنه وايست
كل العباد الساكنه
**************************

#سعيد_حسين_عليوي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات