ها كاكا حمه

رباح حسن الزيدان

الحوار المتمدن-العدد: 3303 - 2011 / 3 / 12 - 01:21
المحور: كتابات ساخرة
    

أخ يابه والله راسي كام يوجعني , البارحة صرح التحفة جلال الطالباني تصريح , نصح الاطباء بعدم مشاهدته لمن يعاني من امراض القلب ومرضى السكر والربو والاسهال, والتصريح هو كركوك قدس كردستان ! المضاعة والمستقطعة مو على أساس العراقيين أسرائيل وجماعته الفلسطينيين وهو صلاح الدين الايوبي ولازم يحررها , يشافيك الله كاكا , شجنت شارب قبل التصريح , لازم مثكل البارحة . وقال الطالباني بانه لن يهدأ له بال، ولا للأكراد اذا لم يسعون لاستعادتها من المحتلين الجدد. ودعا الطالباني إلى صنع ائتلاف استراتيجي كردي تركماني في كركوك (شلون يحبوك التركمان)، لتحريرها ممن وصفهم بـ «الإرهابيين والمحتلين الجدد». في اشارة منه الى العرب سكان كركوك ، هذا شلون حجي يسم البدن من صباحيات الله .
والله حرنا وحيرنا زمانه هاي شلون شغله هسه بس كلي انت رئيس جمهورية العراق لو كردستان , ادري شلون تاليها وياكم شنو هالتصريخ العفو هالتصريح .
هسه جلال كردي وصرح هيج يصرح زين وين راحت الكتل البرلمانية الشريفة بلا حدود , اشو سكته يا كليبي , لا والله ليش الجذب اياد علاوي خلف الله عليه دعا الى الاعتدال في التصريحات , أستفاد دعا الى الاعتدال هاي يمكن جان توه كاعد من النوم وما اله خلك يسولف فدعا الى الاعتدال .
أما في أحدى مقاهي بغداد فقد كانت ردات الفعل متباينة بين المواطنين فأستطاعت عدستنا أن ترصد الحديث وتنقل لكم الأتي :
سعدون كبسلة يتبرع قائلاً : يابه انتو شمعلمكم يجوز جلال قوي بالجغرافية ويعرف القدس عاصمة كركوك .
راضي ابو الفحم : دسكت عمي هو ساقط بالوطنية والتاريخ وتريدة ينجح بالجغرافية .
سليم صاحب المقهى : ديله علساس شلونة بالكيمياااا هههههه وأنفجرت بطون الحاضرين بالضحك .
ستار الحافي : زين دخلي يخذها لكركوك احنة شمحصلين من عدها بس إذا أخذها يمشيلنه الحصة ترة كتلنة الجوع .
محمد طالب جامعي : وانتو شعليكم وشلكم بهل الطلابة اشو لا المالكي حجة ولا الحكيم فك حلكة ولا الصدر اتنفس ولا علي الدباغ صرح .
وما ان لفظ اسم علي الدباغ انفجرت بطون الحاضرين مرة اخرى بالضحك .
راضي ابو الفحم : هذا فدواحد لوكي يكول اني خبير بالمرجعية , ويعلج اربعة وعشرين ساعة .
سعدون كبسلة : لا ويمشط مثل حميد منصور كالب كَذلته.
ستار الحافي : خبير بالعدس احسن .

#رباح_حسن_الزيدان (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل