تبرعاتكم وتبرعاتكن المالية تحفظ استقلال الحوار المتمدن، فشاركونا في دعم استمرارية هذا الفضاء اليساري الحر

حكي فاضي أو صداع نصفـ ديموقراطي - يعني - شقيقـة -

إبراهيم إستنبولي

الحوار المتمدن-العدد: 952 - 2004 / 9 / 10 - 10:31
المحور: مواضيع وابحاث سياسية

نحن والحمد لله بمية خير .. ولا احد الا ويشكر الحكم و الحكومة ( مو على كيفه ) . بس ما بيخلى الامر من ان يصادف مواطن عصبي .. والتعصيب مختلف .. اشكال الوان .. وهنا نموذج مألوف رصده المجهر التابع لمركز الابحاث الشقيقية .. يعني من الشقيقة أي من الصداع النصفي .. والشقيقة أي الاخت ربما تسبب الصداع ايضاً للشقيق بمعنى للأخ الصغير .. و ربما العكس .. يمكن الاخ يجيب وجع الراس للشقيقة .. عملياً كل شي ممكن بها الدنيي .
مواطن :انا يا دكتور اعاني من صداع دائم.. وقد اجريت لي كل الفحوصات وما عرفوا السبب ؟!
الطبيب : عندك نوب شقيقة في النصف الايمن ..
مواطن : بس الالم في النصف الايسر ..!
الطبيب : الم الشقيقة متل الم الاحزاب التقدمية او متل عازف الكمان بياخده باليسار وبيعزف عليه باليمين
- الحل يا دكتور !
- بالحل
- حل راسي
- لأ حل احزاب الجبهة .. عفواً قصدت ابتعد عن الضوضاء واترك النرفزة و التفكير والنق و اشتغل بالتجارة .. وهاي بدها شطارة .... يعني سكر مخّك و العب ورق .. طبّل وزمّر وارقص ع هوا التيار و الانتخابات ...
- العفو يا دكتور ، انا لا برقص ولا بلعب و لا بنتخب .. اللهم الا الجبهة .. واللي بيدفع
- قديش عم يدفعوا بهالايام ؟
- عفواً دكتور ، انا قصدت اللي بيدفع البلد على طريق التطوير والتحديث . وبعدين معقول يا دكتور ، انت مو عايش بهالبلد؟ كل شي عنا منيح بس الهم كبير .. همّ الاكل ومصروف الاولاد والخوف من بكرا ، اي غير الله ما بيعرف شو عم يصير و لوين رايحين .. شي بيجيب الهم ع القلب .. وفوق هيك ازعاجات السرافيس والمطبات وتذمير السيارات بمناسبة ومن دون مناسبة.. ولسه طلعولنا باحتفالات الحجاج العائدين من زيارة بيت الله .. ما عاد حدا يتركها بينو وبين ربه .. و لك انا ما عم افهم هالدولة - ما فيها تظبط لا السير و لا التشفيط ، و لا فيها تظبط اسعار السيارات .. و ما فيها تظبط شي .. أي والله شي بيطير العقل . أي والله جرايدنا لحالها بتجيب الجلطة .
- كل هذا نتيجة فرط التفكير عندك .. حط بالخرج - منين جايبلي هاي الديموقراطية و العقلانية و الانسانية .. طنش عليهن وشوف لك شي للقراية ..
- طنشت وحاولت الهروب من عالم الضجيج والتلفزيون و السياسة إلى عالم القصة القصيرة وحتى الـ ق.ق.ج لحقتها .. يا لطيف .. يا لطيف .. آلاف المجموعات يمكن اختصارها بكمشة بس لو في شي غربال مليح ..
- ما الك إلا تقرا شي بيضّحك وبيفرفش .. شي ع الخفيف
- آخ يا دكتور .. بقيت اقرا الصفحة الساخرة بجريدة النور _ شرفات الكلام – و لكن كل ما قرأت هالصفحة صارت الشقيقة عم بيصحبها ألم بطن .. بس مش من الضحك .. من المقت .
- جرّب الصفحة الساخرة بجريدة تشرين .... و زوايا الثورة ..
- ولك آخ ومليون آخ .. جربتها .. كلّو أخرى من بعضو .. و الحبل ع الجرار . و الانكى أنو شرفات جريدة " النور " بتصدر يوم الاربعاء ! وما فهمت ، نكاية بالحماصنة و لاّ نكاية بشو ؟
- الطبيب : لأ انها نكاية بالله و بالوطن و بكل الايام وبنا نحنا القراء..
- دكتور.. دخيلك الحقني ..حرك وجع راسي ها المرة من الجهتين .. و معه مغص .. دماغ .

#إبراهيم_إستنبولي (هاشتاغ)

ترجم الموضوع إلى لغات أخرى - Translate the topic into other languages

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن
في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على: الفيسبوك التويتر اليوتيوب RSS الانستغرام لينكدإن تيلكرام بنترست تمبلر بلوكر فليبورد الموبايل