صباح الخير

مفيد مسوح

الحوار المتمدن-العدد: 2981 - 2010 / 4 / 20 - 18:44
المحور: الادب والفن
    

إلى نضال،

رفيقة رحلاتي حول الشمس

وأنا أشرع في رحلة جديدة





مش صِبِحْ

هالّلي مو بْعَيْنَيكي ابتدا

يفرش طريق الشّمس

عا أوسع مدا

يْدغْدِغ دلال الورد

ويخلّي الحرير

طرحَة

لـْ جَناح الحلم

بِبْحور الصّدى.

*

مش صبح

يالّلي مو بْصوتِك للحبيب

رنْدَح:

"صباح الخير.. فاق العندليب"

وْ عَ الوجه بسْمِه

فْطور لـَ قلبو

وْصلا

تْلوِّن وْراق الحبّ

بنْهارو الخصيب.

*

ساعِةْ مَ بتْطلّي

الزُّهور بْتِنْتِشي

وْنَحلات بستان الجمال

بْتِرْتِشي

وقلبو الّلي ناطر طلّتِك

يركُض حفا

متل الـْ عَ سطح الميّ

من قوتو مِشِي.

*

وانْ كان غيمة

جنْب شبّاكو

ارتمِتْ..

حجْبِت عن عْيونِك عُيونو

واعْتمِتْ..

بِيْكَسِّرا

بْنفْخِةْ صدر زادو الوفا

وَحْدا

جْرار الحبّ

عا إسمو انْسمِتْ.

*

وْلو كان إيام الشباب

بْتِنطِوي،

بالميّ..

روحو

من العطش

ما بْتِرْتِوي..

الِجْرار

طعم نْبيدْها يْصَفّي عسلْ

كل ما كِبِرْ عمرا الفواكي بْتِسْتِوي.



أبوظبي ـ 18 نيسان 2010

#مفيد_مسوح (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات