كاظم الفضلي
الحوار المتمدن-العدد: 2871 - 2009 / 12 / 28 - 11:30
المحور:
الادب والفن
الى زوجتي الراحلة بعامها الثاني .. أدخلها الله فسيح جناته وبرحمته الواسعة ...
البارحه ..
ماغيرت من طبعي أنه البارحه
ولابدلت من عشكي صدكي البارحه
كل السنين البالعمر جتني بحنانج سابحه
نهرين وجهج والكمر يتسامرن ..
بأحله السوالف مالحه ..
البارحه ...
تتزاحم أبالي الصور وأحتار من ياهي أنتي البارحه
ولا غيرت نبضات كلبي وكابرت
ولا هيضت ذيج الليالي الجارحه
ودعنه أخر ليله من هاي السنه
ومعذوره كل ذيج السنين الرايحه
وأتمايزج أجمل قصائد تنكتب
واحله الكرنفل بالحدايق نافحه
وأتخيلج أجمل أميره
وحاشيتها ..
ومملكه ..
وهاي السنه ..
حته الجروح اعله النزيف اتمد ادين أتصافحه
وأذكرج لكل السنين ( أحبيّبتي )
وماألكه مثلج صالحه ..
والبارحه ..
أحلم وأكولن مو حلم ..
جي أنتي يمي البارحه ..
كاظم الفضلي
#كاظم_الفضلي (هاشتاغ)
كيف تدعم-ين الحوار المتمدن واليسار والعلمانية
على الانترنت؟