مرتاح البال

جهاد علاونه

الحوار المتمدن-العدد: 2812 - 2009 / 10 / 27 - 20:35
المحور: كتابات ساخرة
    

إلى المُعلقه (ساره) هذه قصة قرأتها وأنا صبي صغير أجنبيه لا أذكر إسم الكاتب ولكنني تذكرتها وأنت تدعينني للراحه علماً أنني قبل زمنك كنت مرتاح البال .

كان صياد السمك قد إصطاد سمكة أو إثنتين وجلس تحت إحدى الشجيرات ليرتاح وإذا برجل مقبل عليه :

- شو بتساوي ؟

- أنا جالس برتاح .

-وليش جالس مرتاح؟

- على شان إصطدت سمكه في هذا اليوم وخلص هي تكفيني وتكفي أولادي .

-طب ليش ما تصطاد أكثر من سمكه؟

-ليش؟.. شو بدي فيهن أنا مثل ما حكيتلك سمكه واحده بتكفيني وبتكفي عيالي وبكره بفكر في السمكه الثانيه.

-لالالا إنت لو إصطدت أكثر من سمكه بتحسن وضعك المادي .

- كيف بده يتحسن؟

-بتصطاد أكثر من سمكه وبتاكل وحده إنت وعيالك والأخريات بتبيعهن .

- وإذا بعتهن وبعدين يعني شو بده يحصل معي؟

- بصير معاك ماده فلوس كثيره وبتنتعش .

- وإذا صار معي فلوس كثيره شو بدي أستفيد؟

- بتشتري شبكة صيد كبيره وبتصطاد سمك أكثر وبتبيعه وبصير معك فلوس إضافيه كثيره.

- وإذا صار معايه فلوس إضافيه شو بدي أستفيد منهن؟

- بتشتري قارب كبير للصيد وبصير إتروح مسافات بعيده جداً في عمق البحر وبتصطاد سمك أكثر من السمك إللي صدته في الشبكه.

- وإذا إصطدت أكثر وإذا صار عندي قارب وإذا كثروا فلوسي شو يعني؟

- كيف شو يعني لإنت باين إنك واحد أهبل .

- وإنت باين إنك بدك تتعبني أتركني لوحدي .

- لالا إذا صار عندك مصاري وقوارب كثيره بزيدن إفلوسك وبصير عندك رأسمال وبتشتري باخره كبيره .

- وإذا إشتريت باخره كبيره ش يعني ؟

- قال شو يعني قال ! إسمعوه ..بُكره بزداد رأس مالك وبصير عندك شركه
كبيره لصيد السمك .


- وإذا صار عندي شركه شو بدي أستفيد ؟

- خلص بتقعد وبترتاح .

-ههههههههههههه أقعد وأرتاح؟ طب ما أنا أصلاً كنت قاعد تحت الشجره ومرتاح , بس إنت اللي بدك تتعبني على شان أرتاح وأنا أصلاً مرتاح.

#جهاد_علاونه (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل