أنفلونزا الطيور ( زجل ساخر)

حسن أحمد عمر
(Hassan Ahmed Omar)

الحوار المتمدن-العدد: 2775 - 2009 / 9 / 20 - 21:47
المحور: الادب والفن
    

أنفلونزا الطيور
فيروس رهيب مغرور
طالع نازل يموت
فى ملايين الطيور
الكل خايف منه
وعامل له ألف حساب
ماراحشى مكان وسابه
إلا خراب فى خراب
خايفين ناكل فراخ
والأكل طعمه باخ
والناس دماغها داخ
أطفال وشيوخ وشباب
من خوفهم من فيروس
ع الناس عاوز يدوس
باين عليه مهووس
لاحد عارف يعالجه
ولا حد فاهم نهجه
لا امريكان ولا روس
والناس تعبت خلاص
من قلة الإخلاص
مرة يخوفونا
من جنون الأبقار
ومرة يرعبونا
م البطيخ والخيار
أنا خايف بكرة يظهر
مرض رهيب قهار
فى اللب والفيشار
حاسس ياعالم إنى
حيحصل لى انهيار
يارب يا ستار
تحفظ لنا الأسماك
من أى فيروس قاتل
أو فطر يكون فتاك
واحفظ لنا ياكريم
الخبز والطعمية
والصلصة والتقلية
والبطاطس المقلية
والجبنة والمدمس
علشان الناس تغمس
ياناس حرام عليكم
تاجر الفراخ حيفلس
وأصحاب المزارع
قاعدين عاطلين فى الشارع
الحل فين يا صحة
ده مرض خطير مش كحة
والحرب ضده صعبة
ماهيش تسلية وفسحة
فين علماء المعامل
لازم تكاتف شامل
علشان ربنا بهدينا
ونطلع مصل كامل
ماتنتظروش أمريكا
ولا أبحاث أوروبا
ما تحشروش الصحة
فى مواويل البولوتيكا
طبعأ أنا فاهم اللبة
عاوزعلماء بلادى
ما تنامش من الساعة دى
أنا عارف ان المصرى
عقله سوبر مش عادى
وفروه له التدعيم
ويكون معاه التيم
وبعون الله حيوصل
لمصل فى الصميم
يارب يا ستار
يا عالم الأسرار
تحفظ بلد الغلابة
من أى داء جبار
الناس ماشية ياعينى
بتقول يا حيط دارينى
مشا ناقصين فيروسات
تملى العيشة آهات
قادر يارب تمنع
عن بلدى المشكلات
وعن العالم جميعأ
يارب يا منان
تفنى الفيروس سريعأ
ويعيش الناس فى أمان
وسعادة واطمئنان
يارب وتخلصنا
من بلوة الإرهاب
اللى مدخلش حتة
إلا وصبحت خراب
يارب وخلصنا
من نقمة الحروب
واجعل حياتنا خالية
من أحقاد القلوب
واقطع يد كل حاكم
بيعذب الشعوب
واقبل يارب توبة
أى ظالم يتوب

#حسن_أحمد_عمر (هاشتاغ)       Hassan_Ahmed_Omar#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل