أمن الدوله

سليمان الزهيرى

الحوار المتمدن-العدد: 2404 - 2008 / 9 / 14 - 06:21
المحور: الادب والفن
    

امن الدوله
انت ياراجل وانتى يا ست
امن الدوله هجم ع النت
امن الدوله بتاع الدوله
بقى شغال على ودنه علوله
واخد الشعب دا كله مقاوله
وتهمه تخلى العقل يشت
امن الدوله هجم ع النت
"""""
امن الدوله يقلل خيره
بقى بيبيع للسلطه ضميره
حاشر ويا الناس مناخيره
والتقارير بتقول بيفت
امن الدوله هجم ع النت
""""""
امن الدوله الناس بتخافه
اصل دا سيف فى ايدين سيافه
واللى يخالفه ويمشى خلافه
يبقى اكيد على طول بيلت
امن الدوله هجم ع النت
""""""
امن الدوله ف كل خرابه
واخد الامر كانه حرابه
اصل الناس ف بلادنا غلابه
وبتدارى من اللى يهت
امن الدوله هجم ع النت
""""""
امن الدوله اللى بيحمينا
واللى اكيد متحكم فينا
بقى شغال عند افندينا
وبيرسموا مع بعض التت
امن الدوله هجم ع النت
""""""""

#سليمان_الزهيرى (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل