غريب فى بلادى

سليمان الزهيرى

الحوار المتمدن-العدد: 2403 - 2008 / 9 / 13 - 05:24
المحور: الادب والفن
    

على ما هتختم البسبور هكون هجيت
نفدت بجلدى م الخنقه اللى طايله الكل
يا راجل ..........................
دا إحنا بنغمس غموس الذل
بنييجى نفتح الشباك نلاقى الجو بيدخن
ونيجى نأكل اللقمه يقولوا القمح متسرطن
وشكل أيامنا أهو غامق وحالنا يعل
نقوم نسأل دا ليه ؟....... ولفين ؟
ما نعرف للسؤال دا حل
غريب ف بلادى والغربه ف بلاد الله أكيد أهون
أأقله مش هتتعبنى ولا هبكى ولا هحزن
ولا على ناس ما هيش لا قيه الدوا هتغم
ولا يا عم يوميا هبات منقوط
ولا هصحى على الخوته وحرق الدم
سايبها يا عم والبركه ف ولاد الإيه اللي واكلينها
قلعت الدبله من إيدى ونفضت الغرام منها
وعديت ضفتى التانيه ...................
قضيت 30 سنه سارح ما بين المر والمالح
وكل ما أحط رجليه ف طريق يتسد
بقيت أنا واللي فاض منى وكوم الهد
ما فيش قدامى غير إنى أشاورلك وأنا مسافلر
وشكل الحزن فى عيونى بميكروفونات على الآخر
قفلت الشراعات اللي بيدخل منهم شوقك
وتربست الحنين باليد
وجمدت الدموع ف العين
على ما تموت دموع الخد
سايبها وراضى أروح حتى لأبعد حد
يا راجل ...................................
دا شوكنا حتى من كتره قفل ع الورد
قفل ع الورد

#سليمان_الزهيرى (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل