مش كفاية أزدواجية بقى ؟

مايكل نبيل سند

الحوار المتمدن-العدد: 2265 - 2008 / 4 / 28 - 10:59
المحور: كتابات ساخرة
    

- من يومين واحد صاحبى قال عليا كافر لأنى مش صايم ( بزيت ) .... اللى يغيظ أن الشخص دة بيعمل كل حاجة .... كل حاجة بمعنى كل حاجة ، مخدرات ، جنس ، خراب بيوت ، كل حاجة .... و لكن لأنة بيصوم بزيت ، فهو مؤمن صدّيق .... و أنا اللى مش بعمل ربع اللى بيعملة بقيت كافر علشان مش بصوم بزيت

- ليا واحد معرفة عايش فى أوربا .... كل يوم و التانى ألاقية باعتلى على الأيميل صور موديلات ( بنات عريانة يعنى ) .... لما طلع الفيلم الهولندى اللى بينقد الأسلام ، لبس العمة و تزعم حركة دولية للدفاع عن الأسلام .... مر الزمن و أنتهت حملة المزايدة بأسم الأسلام ، و عادت الصور الجنسية تصل بأستمرار لبريدى الألكترونى

- بيقولوا أن معظم راقصات شارع الهرم أتنقبوا .... طبعا النقاب هو أسهل وسيلة تقدر الراقصة تتحرك بيها من غير ما حد يعرفها ، أو يعرف هى بتشتغل أية .... و جوا الكبارية بتخلع النقاب ، و تلبس بدلة الرقص

- يوم ما فاروق حسنى قال على الحجاب أنة " ردة حضارية " طلع الشاذلى يقول " الست اللى بتحترم دينها ، تروح تتحجب " ..... و نسى أن السيدة الأولى فى مصر غير محجبة

- من فترة قابلنى واحد صديق لأحد أقاربى ، و طلب منى أنى أنتظم فى حضور الكنيسة بتاعتة ، و أصر أنى أقبل المسيح مخلص شخصى فى حياتى .... بعد كام شهر أتقبض علية فى قضية أداب لأنة أعتدى على أتنين ستات كانوا قاعدين لوحدهم فى بيتهم

- أتنين شباب من القاهرة أخدوا العربية بتاعتهم ، و جابوا بنتين من اللى بيشتغلوا فى الدعارة .... قبل ما يبتدوا طلبت منهم واحدة أنهم هما الأتنين يمارسوا الجنس معاها و كل واحد يديلها 100 جنية ( يعنى هتاخد 200 جنية ) ، بدل مع كل واحد يمارس الجنس مع واحدة و يديلها 100 جنية .... فسألوها لية هى عايزة كدة على الرغم أن صاحبتها موجودة .... قالتلهم أن الشهر الجاى رمضان و هيا هتصوم ، فهتبطل شغل ، علشان كدة هيا هاتحتاج فلوس لحد ماترجع للشغل تانى بعد رمضان ، لكن صاحبتها مش هتبطل شغل فى رمضان

- واحدة تانى من اللى بيشتغلوا فى الدعارة قبل ما تمارس مع أى حد الجنس بتسألة عن دينة .... فأذا كان مسلم ، بتكمل معاة عادى .... أما أذا كان مسيحى ، برضة بتكمل معاة عادى .... لكن بقى لو قالها أنة كافر و معندهوش دين ، فبرضة بتكمل معاة عادى

- دكتور أمراض نسا بيقول أنة بيعمل حوالى 40 عملية ترقيع أسبوعيا .... أحسبوها بقى فى كام دكتور فى كام أسبوع فى السنة .... أية بقى معنى تمسكنا بحتة جلدة و أحنا عارفين أن أى دكتور يعرف يركبها ؟ .... و أنهى الأحسن أنك تتجوز واحدة أنت عارف ماضيها ، و لا تتقرطس و تبقى فاكرها العدرا مريم و تطلع .... ؟

- كان معانا زميل فى المدرسة يقعد يعاكس فى البنات ، و لما يخلص يقول " أستغفر اللة " .... لما جة رمضان ، بقى يعاكس فى البنات و لما يخلص يقول " اللهم أنى صائم "

- فضيحة فى الكنيسة الكاثوليكية .... القسوس بيتحرشوا بالأطفال جنسيا .... فكرونى بالمدرس بتاع الأزهر

- طبيب مصرى مقيم بالسعودية أتعرض لمضايقات كتيرة من أحد أفراد هيئة الأمر بالمعروف بسبب أنة مدخن .... فى يوم من الأيام لقى البوليس جاى المستشفى بيطلب تقرير من الطب الشرعى علشان فية حالة أغتصاب لطفل .... المفاجأة بقى أن اللى أعتدى على الطفل هو نفس الشخص اللى كان مطلع عين الدكتور بسبب أنة مدخن

- بيقولوا السعودية فيها أكتر معدل تحرش جنسى و جنس محارم فى العالم .... أمال هيئة الأمر بالمعروف و النهى عن المنكر بتعمل أية ؟

- شركة جوجل قدمت خدمة جديدة .... Google Trends ... تكتب أى كلمة و هما هايقولولك مين أكتر دول فى العالم بتعمل بحث على الجوجل على الكلمة دى .... جرب كدة حط كلمة Sex .... هتلاقى أن مصر تانى دولة فى العالم بتعمل بحث على الكلمة دى .... أدخل الموقع و جرب بنفسك و ماتصدقش حد

- موقع Alexa بيعمل قوايم بأكتر 100 موقع بيدخلها سكان كل دولة .... تعالوا نتفرج على أكتر 100 موقع بيدخلهم المصريين .... هتلاقوا بينهم 5 مواقع جنسية ، و 3 مواقع أسلامية بس ، و مفيش أى موقع مسيحى فى القايمة دى .... بالنسبة للترتيب هتلاقوا موقع Adult Friend finder ترتيبة ال 33 ، و بعدين منتدى كات بوى ترتيبة ال 40 ، و ييجى بعديهم موقع Islam Way بترتيب ال 45 .... و على الرغم من كل دة شعبنا متمسك بالمادة التانية من الدستور ، طيب أفهمها أزاى دى ؟

للتعليق على المقال
http://ra-shere.blogspot.com/2008/04/blog-post_26.html

#مايكل_نبيل_سند (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات