جمال الشرقاوي
الحوار المتمدن-العدد: 3958 - 2012 / 12 / 31 - 11:08
المحور:
الادب والفن
أول مرة
يوم م شفتك خدنى قلبك
م تكدبنيش
و لو قلتلك إنى بحبك
م تكدبنيش
و بسرعة اشتقت و لا استنيت
و سألت عليك علشان حبيت
هقول أسرار قلبى المجروح
و ازاى بيضحى و ياما قسيت
م تكدبنيش
و اهى نظرة بتيجى ف الثانية
جوَّاها الفرحة و حكاية
تقلب أوراق العمر ايام
نمشيها بنغمة و ضحكاية
أنا عايزك دنيا بحلاوتها
طريق واحد مفيش غيره
يجى لـ م يجيش
م تكدبنيش
و بسرعة اشتقت و لا استنيت
و سألت عليك علشان حبيت
هقول أسرار قلبى المجروح
و ازاى بيضحى و ياما قسيت
م تكدبنيش
لو قلت قوامك أحلامى
روحك نور صحى غرامى
لغيت الدنيا و ختنى ليك
بتعيش جّوايا و قدامى
لو تبقى لعينى ابتسامتها
تصبح جنة قلبى و ناره
و تسبنى أعيش
م تكدبنيش
و بسرعة اشتقت و لا استنيت
و سألت عليك علشان حبيت
هقول أسرار قلبى المجروح
و ازاى بيضحى و ياما قسيت
م تكدبنيش
#جمال_الشرقاوي (هاشتاغ)
كيف تدعم-ين الحوار المتمدن واليسار والعلمانية
على الانترنت؟