أخبار عامة - وكالة أنباء المرأة - اخبار الأدب والفن - وكالة أنباء اليسار - وكالة أنباء العلمانية - وكالة أنباء العمال - وكالة أنباء حقوق الإنسان - اخبار الرياضة - اخبار الاقتصاد - اخبار الطب والعلوم
إذا لديكم مشاكل تقنية في تصفح الحوار المتمدن نرجو النقر هنا لاستخدام الموقع البديل

الصفحة الرئيسية - كتابات ساخرة - علي الصفار - عمي يابو جاكوج ...... سوده مْصخْمه وياك















المزيد.....

عمي يابو جاكوج ...... سوده مْصخْمه وياك


علي الصفار

الحوار المتمدن-العدد: 1903 - 2007 / 5 / 2 - 12:40
المحور: كتابات ساخرة
    


قبل أيام ذهبت الى صديق لي لفتح بريدي الألكتروني بسب انقطاع الكهرباء في منطقتي لأكثر من إسبوع، وعندما فتحت البريد قرأت له رسالة (الحوار المتمدن) حول الكتابه بمناسبة عيد العمال في الأول من أيار، سألني هل ستكتب قلت له ساحاول، فأجابني سأحكي لك حادثه حقيقيه واذا اعجبتك ارسلها للحوار كما هي وبلغة العمال خاصة وان العيد عيدهم ..رحبتُ بالفكره وهاأنذا انقلها لكم كما هي وكما يقال ( ماعلى الرسول إلا البلاغ) والعهده على صديقي الذي طلب عدم ذكر اسمه وعلى (أبو نصير ) الذي لاأعرفه وستعرفونه من حكايته .....

كبل اسبوع رِِحتْ لسوك هرج مال باب الشرجي وظليت اتمشى بين البسطيات، وجان المحْ صديق قديم، صحيح هو اكبر مني بسْ احْنا كُلنا جِنا نحبه لأن هو جان خابصنا بالسبعينيات بدولة العمال وشنون تاليها نكوم احنا نتوسل بالعمال وشنون الأتحاد السوفيتي ( جان يسميهم الرفاق) راح يغير العالم ، واذكّرْ شكد جان يحب بدلة العمل الزركه مالته ويتباهى بشغلته بمحطة الكهرباء ويكللنا شوفو لوما إحنا نشغل الكهرباء ماجان كدرتوا تدرسون وتصيرون مهندسين، والصدك هو جان يشتغل وعبالك المحطه مالته حتى لو بالأجازه وتتعطل الكهرباء يلبس بدلته ويصعد للعمود ويصلحها..المهم وِصلِتْ يمه وسلمت عليه كتله الله يساعدك (أبو نصير) ، هو همْ شبكني وبوْسني باوعت شفت كدامه بسطيه ودايبيع تلث بدلات زُرك وجمْ اسبانه ودرنفيسات فحص، كتله هاي شنو (ابونصير) هاي مو بدلتك وعدة الشغل معقوله داتبيعها مو جنت خابصنه بيها، سِكتْ وباوعْ عليه وكلي ( اليدري يدري ..والمايدري كضبة عدس )، آني من سمعت جوابه وشفت عيونه تدمع، كتله لاتدير بال (ابو نصير) اش تحتاج آني حاضر ، ماجاوبني ، بس آني انقهرت عليه وكتله دمشي ويايه، ما قِبل ْ، ظليت ألحْ وهو مُصِرْ، اني هم لميت البسطيه مالته وكتله مااعوفك إلّه تجي ويايه، حاول ياخذها، بس آني جنت أسرع، كلي وين، كتله إمشي نتغده بالكهوه بساحة الطيران وبالطريق نسولف ، والله اجه ويايه وعرفتْ منه هوه كاعد بلا شغل صار سنين، وكلي جنا ننتظر يطير المجرم حتى نعيش مثل الأوادم تاليها طِلعت نفس الشغله ،وظل يحجي الى ان وصلنا الكهوه، ومن طبينا اشّرْ لي واحد من جماعتنا جانو كاعدين بالكهوه، رحنا آني و(ابو نصير) وكِعدنا يمهم وعرّفتهم بيه وكتلهم عليه واحد من عمالنا اللي شارك بكل النقابات العماليه من الخمسينيات لحد بدايةالثمانينات...اشو كام واحد اسمه( هيوا ) وكعد بصف (ابو نصير) وباسه وكله تدري شكد نحبكم انتو العمال حتى الجمعيه اللي سويناها ب( ايران ) سميناها بأسمكم ، (ابو نصير) فُرحْ وكله صدك لها الدرجه تحبونا ، جاوبه ( هيوا) وكله واكثر، تدري آني ماعندي وكت أجي للعراق من المؤتمرات اللي احضرها على مودكم بالعالم ، حتى لأمريكا رِحتْ ودافعت عنكم، شنو ماتقرا نشراتنا لو ماتعرف تقرا ، جاوبه (أبو نصير) وكله لا والله جنت مااعرف بس بوكت الزعيم تعلمت قرايه وكتابه، المهم كُلي شتحجون عنا حتى أتعلم، ( هيوا) ابتسم وكله شوف اخويه محد يحل مشكلتكم غيرنا ، انتو ماتنحل مشاكلكم اذا ماتستلمون الحكم وتذبحون الرأسماليين والأمبرياليين واصحاب المعامل والتجار وألأسلاميين والقوميين والشوفينيين والطوباويين والأنكليز وألأميركان والشيوعين الكلاسيكيين ،(ابو نصير) صُفنْ شويه وبيّنْ عليه داخ، وكله شنو إحنا عمال لو كْصاصيب، بعدين شكدْ ينراد إلنا وكت وسجاجين حتى نذبح كل ذوله، واذا انت ضد ألأمريكان شعندك مكابلهم ويوميه يدزوك لمكان ، اشو ( هيوا) مثل اللي زعل وكله انتو ليش ماعدكم ثقه بنفسكم وماتقدِرون تعبنا وفرّتنا بالدول من اجلكم ، ياأخي لازم تنتفضون،تره ماراح تاخذون حقوقكم إلا هيجي، وموبسْ هاي لازم تحررون نسوانكم همين ، (ابو نصير) تبدّل لونه وكله شنو علاقة النسوان بشغلتنا، جاوبه ( هيوا) وكله، بشرفك العمالي تِقبلْ الرّجال يتزوج أربعه والمرأه بس واحد، هاي عداله ، والله( ابو نصير) وِكفْ على حيله وكله، بسْ لا إنت من جماعة هاي اللي راحت للسكك بعد الأحتلال حتى تقنِع العاملات يتزوجن اربعه وبالحريه الجنسيه، وطردتْها عامله شيوعيه بت عامل شيوعي من جماعة نكرة السلمان ، أشو( هيوا) صار وجهه أحمر وكله ،هو كل البله من جماعة نكرة السلمان علموكم غلط ، أخي إقرا نشراتنا حتى تتعلم وراح انطيك موقعنا عالأنترنيت حتى تفهمنا ، (ابو نصير) كله عمي آني صار لي شهر ماشايف الكهرباء ، هسه عرفتكم انتو حزب ( العمال ألأنترنيتي )، حتى مظاهراتكم انترنيتيه ، عمي لاتتحرشون بينا ابقو على سفراتكم على حسابنا وحساب الأمريكان، اشو( هيوا) صار عصبي وكله ،مو صوجك صوجي آني اللي احجي ويه واحد ماقاري (راس المال) ولا يعرف (فائض القيمه) ،( ابو نصير) صار عصبي اكثر وكله شوف افندي سامع بجواب ذاك الحمّالْ بالشورجه اللي جاوب على سؤالك وكله لواحد مثلك، اذا انته قاري فائض القيمه آني شايله على ظهري طول عمري،( هيوا) صار وجهه احمر وشال (اللاب توب) ماله وطِلعْ من الكهوه حتى ماسّلمْ علينه ودفع لأبو الكهوه دولار وكله هاي بس حسابي مالي علاقه بذولاك...

صارت سنطه شويه وظلينه واحد يباوع عاللاخ ، إلى ان كام ( ابوسجاد) و( ابو عمر) من مكانهم وكعدوا يمْ (ابو نصير)، كُلْ واحد من جهه ودزوله على حامض وكلوله لاتدير بال واهدأ ولا تسمع حجي هذوله أنته مسلم واكيد انته قاري قرآن وتعرف كل انسان الله يحددله رزقه من الولاده وملازم واحد يدوخ نفسه ، بعدين الله خلق البشر كل واحد شكل بيض وسود، نسوان وزلم، زناكين وفُقْره، لأنْ ميصير كلهم زناكين، يعني يصير المره تصير رجال، بعدين لا تشيل همْ بس تصير حكومه اسلاميه تِنحلْ كل مشاكلك وأكيد انتو العمال تنشملون بالزكاة، وراح تعيش خوش عيشه وهم تضمن الجنه وهناك تعيش احسن عيشه وتلعبْ بيها لِعبْ، كلشي اكو بيها اكل وشرب ونسوان وحتى الشرب اللي تحبه ، بسْ انته صلي ماطول ماعندك شغل، (ابو نصير) تعجب وسألهم كلهم بس ماكتولي الحكومه الأسلاميه شيعيه لو سنيه ، اثنينهم جاوبوا بصوت واحد وكلوله ماكو فرق إحنا إخوان ، (ابو نصير) كلهم لعد اذا ماكو فرق ليش صارلكم اربع سنوات تذابحون ومن وراكم انسدت المعامل ووكف الشغل وموتونا من الجوع حتى مساطر العمال فجرتوها ، جاوبه (ابو سجاد) وكله هاي مو ربعنا ذوله جماعة (ابو عمر) ، هذا همْ من يمه صار عصبي وكله لعدْ منو كِتلْ الناس بالدريل وخليتوا اصحاب المعامل ينهزمون وانتو ملهين العمال باللطم والزناجيل، المهم علكت بيناتهم و(ابو نصير) يضحك ويه نفسه وخاصة من طِلعوْ واحد راح يمنه واللاخ راح يسره والتفتْ عليّه وهو يهز بيده ويكول ( منْ هالمال..... حملْ جِمال ) ...

وره كم دقيقه كام واحد شويه بعيد عنه وإجه يمنه وكله (لأبو نصير) تسمح لي أخي آني سمعت كل حجيكم وبصراحه ماعجبوني الجماعه ، كلهم يريدون يستغلوكم وانته عامل قديم واكيد تتذكر شنون جنتو عايشين قبل الأحتلال ، أكو واحد منكم جان عاطل ، اكو عامل صارتله مشكله وماحلتها إله النقابه، هذوله عملاء الأحتلال أحسن شي يتحرر العراق ويرجع مثل ماجان،هنا( ابو نصير) صار عصبي وكام على حيله وخنكه من ركبته وكله ( جنت أدورعليك....هسه لكيتك)،هيْ هِتلي ، لك كلها منكم ليش هو منو طردني من محطة الكهرباء غير نقابتكم ،لك هِيه جانت نقابات لو أمنْ، جنتو إسود براسنا وتاليها صرتو جريديه من اجوْ الأمريكان، وحتى المواد ألأحتياطيه مال المحطات بكتوها،هذا المسكين كام يرفس ويصيح دخيلكم، بس محد دافع عنه وظل ( ابو نصير ) خانكه وهو يصيْح لك تذكر من صاحبكم سوانا موظفين، مو انتو اللي صفكتوله وكمتو تهلهلون...بعدين هاي كلها عوفها، إنته كاعد بعيد عنا شنون سمعت حجينا ماتجوزون من سوالفكم،هدْ ( ابو نصير) إيده ودنك على رجله وهذا لكاها فرصه وماجذب خبر انهزم، و( ابو نصير) نزع نعاله وشمره عليه واجه النعال براسه، بس ذاك مادار وجهه وفِلتْ، وكل الكاعدين بالكهوه ضحكو بصوت عالي وفد شايب كله لــ (أبو نصير)، ذوله مايفيدهم غير النِعل، ولو انته ( ضحكتني وآنه موش طويب)،المهم اللي بالكهوه ظلو يضحكون، وكام صاحب الكهوه وصاح عا الصانع وكله، نزِلْ جايات للكل لخاطر (ابو نصير) ولطلعته الحلوه ويه ذاك الهتلي ، وصاح عا لصانع وكله ودي هاي الجريده( لأبو نصير) حتى يرتاح،إجه الصانع شايل استكانين جاي وجريده انطاها (لأبو نصير)، شفته ابتسم وباوع عليه آني همْ ابتسمت،كلي لازم عرفتها ، كِتله مبينه من ورقها الأسمر مبينه مال فُقره،المهم( ابو نصير) كلّبها للجريده وجّر حسره،كِتله ها اشو انكلبْ وجهك بعد شنجيبلك ، كلي وهو يجر حسره اقوى ، الجماعه هم مدري شبيهم عافونه وخلونه ( بين حانه ..ومانه) ،حتى الأحتفالات بعيدنا جازو منها، وهمه باصعب الظروف بوكتْ البعثيه جانو يتذكرونا، اشو التهوْ بمجلس الحكم وبمجلس النواب ومافد يوم سمعناهم ولاشفناهم بالتلفزيون يحجون عنا واحنا نصنا عطاله بطاله ، تحجي وياهم وتكلهم وينكم ، يزعلون ويذبون الصوج براسنا ويلومنه ويكولولنه ليش ماتجون للمقر بساحة الأندلس ، نكلهم يابه احنا متعودين عليكم انتو تجون للمعامل، ينطوك اعذار ماأدري شنونها، نكلهم زين دطالبو بقانون عمل جديد وبقانون ضمان، شنون تقبلون انتو ويه الحكومه واحنا ماعدنا قانون عمل، ورفعو صوتكم عالي واحجو بأسمنا عالأقل احنا بالملايين واحسن من جماعة ( علاوي)، بعدين دا تشوفون البعثيين رجعو للنقابات وانتو ساكتين وخليتو اهل اللحايا يريدونا لو نضرب زنجيل لو درباشه بدل من نشغل مكينه لومحطة كهرباء....جر حسرة لُخ وكال عمتْ عيني عليكم شنون جنتو ووين صرتو، مو إحنا نحبكم وكلبنا يرف عليكم ، علمتونا وعفتونا...

وجماله بعدكم خالين جاكوجنا على علمكم...لو تنطونياه لو تصيرون كدّه....

وهناك كام (ابو نصير) يغني بصوت ناصي والدموع تنزل من عينه......

عمي يابو جاكوج.....عمي يابو جاكوج

وبدا صوته يعلا... شويه.... شويه.... والتمو يمه اهل الكهوه وكلهم من عمال المساطر وكامو يغنون وياه.....

عـمـي يـابـو جـاكـوج.....سـوده مْــصــخْــمـه وِيــاكْ



#علي_الصفار (هاشتاغ)      



اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين
حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل


كيف تدعم-ين الحوار المتمدن واليسار والعلمانية على الانترنت؟

تابعونا على: الفيسبوك التويتر اليوتيوب RSS الانستغرام لينكدإن تيلكرام بنترست تمبلر بلوكر فليبورد الموبايل



رأيكم مهم للجميع - شارك في الحوار والتعليق على الموضوع
للاطلاع وإضافة التعليقات من خلال الموقع نرجو النقر على - تعليقات الحوار المتمدن -
تعليقات الفيسبوك () تعليقات الحوار المتمدن (0)


| نسخة  قابلة  للطباعة | ارسل هذا الموضوع الى صديق | حفظ - ورد
| حفظ | بحث | إضافة إلى المفضلة | للاتصال بالكاتب-ة
    عدد الموضوعات  المقروءة في الموقع  الى الان : 4,294,967,295
- النخب السياسيه العراقيه ...من كان منكم بلا خطيئه فليرمنا بحج ...
- تزييف الوعي .....حسن العلوي نموذجا
- مدرسة عبوسي المسائيه...... التي اصبح اسمها مجلس النواب العرا ...
- في العراق..مجلس النواب ..الذي أبدع في وصفه مظفر النواب
- أيها المثقفون إنتبهوا ل..الوعي (( الشيعي )) والوعي (( السني
- مذكرات بريمر - سنتي في العراق - ألأيحاء بالسذاحه
- الحزب الشيوعي العراقي ...صح إنت كلش حلو ...بس موش كل الزين
- تداعيات إعدام صدام...دليل على أزمة العقل العربي
- ألأحزاب الدينيه الأسلاميه...مصادرة الرب وإحتكار ألأسلام
- قراءه لمشروع برنامج المؤتمر الثامن للحزب الشيوعي العراقي


المزيد.....




- “اعتمد رسميا”… جدول امتحانات الثانوية الأزهرية 2024/1445 للش ...
- كونشيرتو الكَمان لمَندِلسون الذي ألهَم الرَحابِنة
- التهافت على الضلال
- -أشقر وشعره كيرلي وحلو-..مشهد من مسلسل مصري يثير الغضب بمواق ...
- الإيطالي جوسيبي كونتي يدعو إلى وقف إطلاق النار في كل مكان في ...
- جوامع العراق ومساجده التاريخية.. صروح علمية ومراكز إشعاع حضا ...
- مصر.. الفنان أحمد حلمي يكشف معلومات عن الراحل علاء ولي الدين ...
- -أشقر وشعره كيرلي وحلو-..مشهد من مسلسل مصري يثير الغضب بمواق ...
- شجرة غير مورقة في لندن يبعث فيها الفنان بانكسي -الحياة- من خ ...
- عارف حجاوي: الصحافة العربية ينقصها القارئ والفتح الإسلامي كا ...


المزيد.....

- فوقوا بقى .. الخرافات بالهبل والعبيط / سامى لبيب
- وَيُسَمُّوْنَهَا «كورُونا»، وَيُسَمُّوْنَهُ «كورُونا» (3-4) ... / غياث المرزوق
- التقنية والحداثة من منظور مدرسة فرانكفو رت / محمد فشفاشي
- سَلَامُ ليَـــــالِيك / مزوار محمد سعيد
- سور الأزبكية : مقامة أدبية / ماجد هاشم كيلاني
- مقامات الكيلاني / ماجد هاشم كيلاني
- االمجد للأرانب : إشارات الإغراء بالثقافة العربية والإرهاب / سامي عبدالعال
- تخاريف / أيمن زهري
- البنطلون لأ / خالد ابوعليو
- مشاركة المرأة العراقية في سوق العمل / نبيل جعفر عبد الرضا و مروة عبد الرحيم


المزيد.....
الصفحة الرئيسية - كتابات ساخرة - علي الصفار - عمي يابو جاكوج ...... سوده مْصخْمه وياك