سوالف..!

طالب الجليلي
(Talib Al Jalely)

الحوار المتمدن-العدد: 6194 - 2019 / 4 / 7 - 21:11
المحور: الادب والفن
    

يللي بعيونك قصايد
والرموش اتسولف
سوالف
موش الف..
مليون ليله
اوليله..!!
انا امن اشوفك ورد
ما من كتر مني
أبد ..
ما ينمرد
من لهفتي
اوسكتّي يفلان حيله !!
شنهي انته ياعمّي ؟!
حورية بحر
لو گمر
عايف انجومه
اومتباهي ابليله!
شعر..!
يتملعب على اچتافك
ايغني
اويرگص
وانا ويّاه ابسكتّي
يامدلول
مبتلي ابرفّة دليله

أدري بالايام تمضي
وادري بسنيني وياها
تگضي
اومامش امل أدري..!!
لكن اليوم اللي اشوفك
بيه..
يفلان.. يلي انته الحلم
ذاك الحلمته من طگ الورد
بسنين جمري!!
لو تدري انته الگلب
والروح
من يوم العرفتك بيه
اوصرتي
غصبن على الأيام
نبضي..اوذكرى
اللي تحجي اجمل
ايام عمري...!!


8 نيسان 2019

#طالب_الجليلي (هاشتاغ)       Talib_Al_Jalely#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل