عبد صبري ابو ربيع
الحوار المتمدن-العدد: 5800 - 2018 / 2 / 27 - 11:14
المحور:
الادب والفن
طگ بطگ
عبد صبري أبو ربيع
طگ بطگ يـــا ميمونه
والوطن مزرفات عيونه
واحدهم يــــــاكل خروف
والاخر يباوع جنه بزونه
شعجب خيـرات الوطن
بجيـــــــوب اليحكمونه
طگ بطگ يـــا مزيونه
الشارع ممليه عيونه
زغيـــر وبيده يناغي
جيوب الفـارغه والمعجونه
وهذا بسگف يسمع شخيره
وهذا بقصر تحرسه مفتونه
كل هدمهم من فضه وذهب
والفگــر مشگگات أزبونه
روحي على هواي
مشــــددات عيونه
وأبن الوطن مجروح
جنهم بدمــه يبيعونه
صــــــار الموت للشعب عاده
وصار الفگر ينباع ويشترونه
يــــا هو اليمسح دموعي
وجروح الگلب يضمدونه
كــــــافي بعد يا فساد
حكم الشعب تعرفونه
هلـــــي من كل طيف
همــــه الينصــــرونه
سباع الوطن يا وطن
لـــــو هبت يحطمونه
تاريخنه أنكتب بالثـورات
أحـرار وللگلـب يسعدونه
تموز وثـــــورة العشرين
وجيوش الوطن يحررونه
تالـــــيه يعـود الاجنبي
يلعب بكيفه وتشوفونه
خله كل النـاس بعداوه
وخله الخليل يعادي خوانه
وســفه علـــى اليجـري
وسفه على الشعب يموتونه
#عبد_صبري_ابو_ربيع (هاشتاغ)
كيف تدعم-ين الحوار المتمدن واليسار والعلمانية
على الانترنت؟