يا عالم يا هوه.. الإنسان فخخوه

حسن أحمد عمر
(Hassan Ahmed Omar)

الحوار المتمدن-العدد: 1262 - 2005 / 7 / 21 - 08:39
المحور: كتابات ساخرة
    

يا عالم
يا هوه
الإنسان فخخوه
وبدل ما يمد إيده
بالحب والسلام
ربط على بطنه حزام
وراح فجر أخوه
يا عالم
يا هوه
الإنسان فخخوه
واحد ماشى فى حاله
يبحث عن رزق عياله
على شان إيه يخطفوه
ع النت يعرضوه
قدام عينين أبوه
وبالسيف يعدموه
يا عالم
يا هوه
الإنسان فخخوه

فى الشارع
أو فى الباص
فى المترو
والمينى باص
خايف أركب ياناس
من واحد بايع نفسه
عاوز يموت وخلاص
على شان يخش الجنه
وينول اللى بيتمنه
يقتل كذا برىء
عمره ما كان مسىء
وما يعرفشى فى حياته
إلا عياله ومراته
يموت فى طرفة عين
يا خسارة المساكين
يا عالم
يا هوه
الإنسان فخخوه
فى النور وفى الظلام
الحقد والإنتقام
يدمر ليه أنام

كان فى حياتهم أحلام
أو فى حياتهم آلام
يتنفذ فيها فجأة
أبشع حكم إعدام
بقى هو ده الإسلام ؟؟
يا عالم
يا هوه
الإنسان فخخوه
إيه ذنب الأبرياء ؟
أطفال ورجال ونساء ؟
رايحين أعمالهم عادى
ليه يتحولوا أشلاء ؟
والروح الطاهرة تطلع
تشكى لرب السماء
الحل إيه يا ناس
العقل صبح محتاس
يا عالم
ياهوه
الإنسان فخخوه
فى أى دين وملة
وبأى حق وعلة
يموت إنسان مسالم
على إيديك يا ظالم
حولت العالم نار
وهلاك وخراب ودمار
فاكر نفسك بجريمتك
واحد من الأبرار
يا عالم
يا هوه
الإنسان فخخوه
وبدل ما يمد إيده
بالحب والسلام
ربط على بطنه حزام
وراح فجر أخوه

#حسن_أحمد_عمر (هاشتاغ)       Hassan_Ahmed_Omar#          

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات