هانى صموئيل
الحوار المتمدن-العدد: 3819 - 2012 / 8 / 14 - 15:12
المحور:
الادب والفن
جاى يارب ..... جاى يارب طالب انا رحمتك .
جاى يارب ..... تهت ومعدتش عارف منين ابتـدى سكتك .
جاى يارب ..... راجع ودموعى باكيها دم .
جاى يارب ..... راجع كسرنى جرحى كسرنى الهم .
جاى يارب ..... راجع وكتير فى محتاج يتلم .
جاى يارب ..... ريحة الخطية فى لساها بتتشم .
جاى يارب ..... محتاجك تطهرنى تساعدنى من تانى اقوم واهم .
جاى يارب ..... وانا عارف ان حبك كبير ويقبل انه يضم .
جاى يارب ..... وعارف انك تخفف عن صغيرك اللى بيئن .
جاى يارب ..... وعارف ان اول شئ هاقابله , ابتسامتك رغم الجرح اللى لسه بينزف فى الدم .
جاى يارب ..... وعارف انك هتحضنى وتاخدنى جنبك , كأمير مهم .
جاى يارب ..... لانى عارف من خبرات , ان غفرانك اكبر بكتير من كل ذنب العبد .
جاى يارب ..... عشان عارف انك لسه بتحب .
م / هانى صموئيل
#هانى_صموئيل (هاشتاغ)
كيف تدعم-ين الحوار المتمدن واليسار والعلمانية
على الانترنت؟