فى مصر ::::: يعنى ايه ؟؟

هانى صموئيل

الحوار المتمدن-العدد: 3657 - 2012 / 3 / 4 - 19:14
المحور: كتابات ساخرة
    

فى مصر ::::: يعنى ايه ؟؟



يعنى ايه الحرية ؟؟
يعنى انا اعمل اللى انا عايزه , وحضرتك تعمل اللى انا عايزه .

يعنى ايه احترام الاخر ؟؟
يعنى انا الاخر ولازم تحترمنى , لكن حضرتك مش الاخر , يعنى ملكش وجود عندى .

يعنى ايه حرية الدين ؟؟
يعنى من حقك ترجع عن دينك وتدخل دينى , بس ممنوع تسيب دينى عشان اى دين .

يعنى ايه انتماء للوطن ؟؟
يعنى نتكلم شعارات رنانة , بس الواقع العن فى البلد ولو جاتلك تاشيره اخلع بسرعة .

يعنى ايه برامج توك شو ؟؟
يعنى على الشاشة ادب واحترام وكلام رائع , ورا الكواليس تظهر الحقيقة .

يعنى ايه مثقف ؟؟
يعنى اخره يتكلم ويكتب , بس معندوش قوة يبادر ويعمل .

يعنى ايه سلطة ؟؟
يعنى دول الهه ممنوع الاقتراب والتصوير او حتى انك تفكر فيهم .

يعنى ايه تلفزيون مصرى ؟؟
يعنى تاخد على قفاك وتعمل نفسك عبيط .

يعنى ايه الاخوان المسلمين ؟؟
يعنى من بره هله هله ومن جوه يعلم الشعب والله .

يعنى ايه السلفين ؟؟
يعنى الكل كافر , واحنا المؤمنين .

يعنى ايه مسيحى ؟؟
يعنى اسمه مينا او كيرلس وراسم على ايده صليب .

يعنى ايه مسلم ؟؟
يعنى اسمه محمد او احمد ومربى دقنه .

يعنى ايه ثانوية عامة ؟؟
يعنى الطالب يعيش افلام رعب طول الدراسة ويحرم نفسه من الحياة وفى النهاية عند النتيجة يطلبوله الاسعاف وعلى حسب علاجه بقى .

يعنى ايه فيلم عربى ؟؟
يعنى تقوم بثورة وفى الاخر انت اللى تتحاكم .

يعنى ايه دولة القانون ؟؟
يعنى يطبق على البعض والبعض الاخر يفعل ما يشاء .

يعنى ايه مصر ؟؟
الزمالك والمهندسين , ومش بياخدوا بالهم من عزبة النخل والمرج و..............الخ .

يعنى ايه عدالة ؟؟
يعنى حلم بتحلم بيه وانت نايم .

يعنى ايه طموح ؟؟
يعنى تحلم ان فريقك ياخد الدورى وفى النهاية ياخده الاهلى .

يعنى ايه طرب وغنى ؟؟
يعنى شعبان وهيفاء وسعد و.............الخ .

يعنى ايه سينما ؟؟
يعنى مشاهد هابطة او افلام دينية .

يعنى ايه ريس توافقى ؟؟
يعنى نجيب الريس اللى عاوزينه الاخوان والعسكر والشعب ياخد على قفاه ويضحك ويقول اه على الحرية .

يعنى ايه .. يعنى ايه .. يعنى ايه ....... يعنى محتاجين نتعلم من اول جديد


م / هانى صموئيل

#هانى_صموئيل (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل