زهير دعيم
الحوار المتمدن-العدد: 3579 - 2011 / 12 / 17 - 10:35
المحور:
الادب والفن
* ميلاد الربّ عنواني وناسي
وغيرو ما لفت نظري وراسي
مصيرَك اذكرو إنْ كنت ناسي
ولا تسلّم حياتَك للبلى
*عشق الخير والإنسان دربي
وإله الموعظة والحُبّ ربّي
مع ابليس رح تظلّ حربي
ما دام هالقلب يُخفُق بالحياة
*وين ماروح رَح احمل صليبي
واشهد للناس ، لعدوّي وقريبي
بغير يسوع ما النا هريبي
من جهنم وسلطان العِدا.
*بفرن الحُبّ طهّرني إلهي
أنا اللّي كنت عشقان التباهي
زرعني رجا وقلع منّي الدّواهي
وغمر بالدم جروح الزمان
*بْغَرِّد قصيدي في عِشق مصلوب
غلب الرَّدى والشرّ والمغضوب
واشترى حياتي بدمو هالمصبوب
وزرع السّما أفراح ومْواويل
* لغير الربّ ما بْكرّس حياتي
وأشعل شمعتي وأضوي زيناتي
رح أظلّ اسجدلو حتى مماتي
وأرفع كلمتو فوق السّحاب
* بنور الشّمس قد طرّزت شالي
ورصفتو بذهَب ومُرجان غالي
وفرشتو في المغارة بشكل هالي
ليسوع اللّي بْشرِّف كل العِباد
* بعد الربّ ما بْعرِف مُحامي
حارس عيلتي وما أمامي
بغير سيرتو ما بْكتُب كلامي
ما دام انفي بِشمّ الهوا
#زهير_دعيم (هاشتاغ)
كيف تدعم-ين الحوار المتمدن واليسار والعلمانية
على الانترنت؟