ايمي صليب
الحوار المتمدن-العدد: 4385 - 2014 / 3 / 6 - 19:43
المحور:
الادب والفن
مين يمسح دموع المحرومين
مين يحن ع القلب المسكين
الدنيا ظلماني و لا حد حاسس ايه جوايا
برسم ضحكة لجل ماخبي بيهاوجعي وأسايا
الناس يتقصد بتبعد عني .. بتحسسني
اني من طينة تانية و ساعات بتقرف مني
نفسي اعيش ف عالم نضيف وأحس بكياني
محتاج افتخر بنفسي وأرجع انسان من تاني
حاجات طول الوقت بتدبح فيا
عيال فرحانة بتتنطط من حواليا
شبعانين بالحب والدفا جوا عنيهم
اب وام وعيلة مشبكين ف ايديهم
طول عمري بدور قبل القرش عل الحنية
مفيش غير السب والضرب و السخرية
انتوا اللي خليتوني مجرم و شحات
مانتوش احسن مني لما تدوني الفتات
مليتوا الهوا كلام .. و زهقنا من التصوير
عايزين حقوقنا بقي وكفاياكم تقصير
عايزين وزارة لينا تشوف مشاكلنا
محتاجين ايدين م الضياع تنشلنا
عايز أعيش و أحقق ذاتي وكفاية مهانة !
أنا انسان مهما ان كان وليا كرامة .. !
emiiiii
#ايمي_صليب (هاشتاغ)
كيف تدعم-ين الحوار المتمدن واليسار والعلمانية
على الانترنت؟