وَدَاعْ الْبْجَعْدِي

حمودة المعناوي

الحوار المتمدن-العدد: 8658 - 2026 / 3 / 26 - 15:04
المحور: الفلسفة ,علم النفس , وعلم الاجتماع
    

هَـادِي تَـحْـسِـيـرَة زَمُّـورِيَّـة رُبَـاعِـيَّـة مْـخْـدُومَـة عَـلَى مِـيـزَانْ "الـمْـبِـيـتْ"
لْـسَـانُ الـزَّمُّـورِي، فِـي الـصَّـمِّ يْـكُـورِي، يْـقْـبَـطُ الـدُّورِي، وُ الـهَـضْـرَة مْـقْـدُودَة.



الـقْـدَرْ نَـادَى / الـمُـوتْ زَادَة / سَـالَـتْ الـعَـادَة / وُالـصَّـدْمَـة قَـاضْـيَـة

ظْـلَامْ الـلِّـيـلْ / هَـدّْ الـحِـيـلْ / بْـلَا قَـالْ بْـلَا قِـيـلْ / وُالـكْـمِـيـنَـة ڭَـادْيَـة

بَـاعْ وُ شْـرَى / صَـانْ الـعْـشْـرَة / طْـوَى الـغُـبْـرَة / فِـي الـدُّنْـيَـا الـفَـانْـيَـة

رْزَانْ الـعْـقَـلْ / مِـيـزَانْ الـثّْـقَـلْ / صَـافِـي الأصْـلْ / فِـي الـزَّايْـلَـة الـغَـاوْيَـة

ثْـقِـيـلْ الـخْـطَـاوِي / فْـعَـقْـلُـو دْوَاوِي / بْـحَـقُّـو يْـدَاوِي / بِـالـسِّـيـرَة الـزَّاكْـيَـة

مْـجَـامَـعْ نْـقِـيَّـة / حُـضْـرَة زْكِـيَّـة / رِيـحَـة هْـدِيَّـة / وُ الـدَّاتْ هَـانْـيَـة

بْـتَـاوِي الـمَـرْڭَـدْ / زْمُـورِي الـوَتَـدْ / جْـعِـيـدَانِـي الـمَـقْـصَـدْ / بِـالـهَـمَّـة الـعَـالْـيَـة

عْـزِيـزْ الـشَّـانْ / عـالِـي الـمْـكَـانْ / ذِكْـرُو فَـالـلّْـسَـانْ / الـكَـانَـة الـهَـانْـيَـة

قَـرَّى وُ كَـبَّـرْ / قَـاسَى وُ صَـبَّرْ / أَدَّى وُ شَـبَّـرْ / الأمَـانَـة الـغَـالْـيَـة

عَـافَـرْ وُ قَـدَّرْ / جَـالْ وُ دَبَّـرْ / شَـافْ وُ عَـبَّـرْ / بِـالـرَّزَانَـة الـكـافْـيَـة

خَـمَّـمْ وُ صَـابْ / حَـلّْ لْـبْـوَابْ / رَدّْ الـجْـوَابْ / وُ الـنِّـيَّـة الـصَّـافْـيَـة

أَصْـلْ اَلـثَّـبْـتَـة / حَـرّْ اَلـنَّـبْـتَـة / زِيـنْ اَلـسَّـكْـتَـة / الـذَّاتْ صَـاحْـيَـة

نَـفْـسْ حَـارَّة / كَـلْـمَـة بَـارَّة / خُـطْـوَة قَـارَّة / الـقَـبْـضَـة الـرَّامْـيَـة

كُـنْـيَـة مْـحَـرّْزَة / سْـمِـيَّـة مْـعَـزَّزَة / حَـطَّـة مْـفَـرّْزَة / اَلـصُّـورَة ضَـاوْيَـة

مَـا قْـرَا فَـلْـوَاحَـاتْ / حْـسَـبْ فَـرْمْـشَـاتْ / عَـاوَدْ حْـكَـايَـاتْ / بِـالـحِـكْـمَـة الـهَـادْيَـة

** ** ** **

عْـرَقْ الـجْـبِـيـنْ / خُـبْـز الـمْـسَـاكِـيـنْ / صْـبَـر الـسِّـنِـيـنْ / وُ الـبَـرْكَـة بَـاقْـيَـة

حَـطْـبُـو مْـكَـوَّمْ / فَـاخَـرْ مْـرَطَّـمْ / جَـمْـرُو مْـسَـوَّمْ / وُ الـعِـيـنْ شَـاهْـيَـة

غَـابَـة حْـطَـبْ / مُـولُـودِي غْـلَـبْ / عْـرْقُـو كْـتَـبْ / وُ الـجَـمْـرَة صَـاحْـيَـة

يَـتْـبَـعْ مُـولُـودْ / بِـالـفَـأْسْ يْـجُـودْ / عْـرَقْ الـجْـدُودْ / وُ الـحَـالَـة بَـاهْـيَـة

عَـزَّايْ لِـلْـمِـيـمَـة / فَـدَّايْ لِـلْـقِـيـمَـة / نَـجَّـايْ لِـلْـقْـسِـيـمَـة / بْـدَعْـوَة شَـافْـيَـة

فْـرَاقْ الـجَـدَّة / خَـمْـسَـة فَـالـشِّـدَّة / فَـاطْـنَـة فَـالـمَّـدَّة / وُ الـقُـدْرَة الـمَـاضْـيَـة

** ** ** **

جَـدِّي غَـابْ رْكَـانُـو / حْـدَاشْ عَـامْ زْمَـانُـو / بَـابَـا بَـانْ شَـانُـو / وَ الـرَّفْـدَة نَـاضْـيَـة

قَـدُّورْ حَـازْ / بِـالـخِـيـرْ فَـازْ / لِـلـسَّـتْـرْ جَـازْ / وُ الـكَـبْـدَة حَـامْـيَـة

رْكِـيـزَة الـعَـمّْ / تْـزِيـلْ الـهَـمّْ / تْـلَـمّْ الـدَّمّْ / وُ الـحُـرْمَـة وَاقْـيَـة

مْـحَـمَّـد وُ حَـادَّة / بْـقَـاوْ عْـمَـادَة / بْـقِـسْـمَـة مْـقَـادَّة / الـخَـلْـفَـة الـنَّـاجْـيَـة

صْـبِـي حَـارْ / طْـفَـاتْ الـنَّـارْ / بَـدَّلْ الـدَّارْ / وُ الـخُـطْـوَة عَـانْـيَـة

سْـتَّـاشْ فَـالـمْـقَـامْ / عَـمِّي أَحْـمَـدْ قَـامْ / بِـالـعِـزّ وُ الإِكْـرَامْ / بِـالـسَّـتْـرَة الـوَافْـيَـة

فْـلاَلَـة مْـيْـمُـونَـة / لْـقَـا الـمْـعُـونَـة / الـعِـيـشَـة مْـضْـمُـونَـة / وُ الـصُّـحْـبَـة بَـاهْـيَـة

مْـعَ وْلاَدْ الـعَـمَّـانْ / مُـعَـزَّزْ بِـالشَّـانْ / بْـجَـعْـد الأَمَـانْ / بِـالـنِّـعْـمَـة الـوَافْـيَـة

حُـومَـة أَحْـمَـدْ / بِـالـخِـيـرْ وُ الـسَّـعْـدْ / وَفَّـى لِـيـه الـعَـهْـدْ / وُ الـعَـتْـبَـة دَافْـيَـة

عَـمِّي وُ الـعِـيَّـالْ / كَـرْمُـوه بِـالـفْـعَـالْ / هَـزُّو عَـلِـيـه الـثّْـقَـالْ / وُ الـعَـتْـبَـة دَافْـيَـة

فَـاطْـنَـة أَهْـلْ الـفْـضِـيـلْ / وُ الـمْـكْـنَـاسِـيَّـة بِـالـتَّـاوِيـلْ / جُـوجْ عِـيـالاتْ وُ الـجْـمِـيـلْ / بِـالـهَـمَّـة الـعَـالْـيَـة

دِيَـارْ سَـتْـرْ وُ نْـقَـا / فِـيـهَـا الـوَالِـيـدْ بْـقَـا / عِـزّ الـقْـرَابَـة لْـقَـا / وُ الـذِّمَّـة وَافْـيَـة

دَارْ الـكَـبِـيـرَة / مْـحَـلّْ الـذَّخِـيـرَة / لِـلـضِّـيـفْ وُ لِـلْـجِـيـرَة / بِـالـقَـصْـعَـة الـكَـافْـيَـة

دَرْب الـسَّـتْـرْ وُ الـجُـودْ / فِـيـه الـخِـيـرْ مْـوُجُـودْ / عَـمِّي أَحْـمَـدْ عَـمُـودْ / الـفْـقِـيـرَة الـشَّـرْقَاوْيَـة

** ** ** **

كُـولُـونِـيـلْ مُـوهَـابْ / لِـلـشِّـدَّة غَـلَّابْ / لِـلْـوَالِـيدْ حَـبَّـابْ / رُتْـبَـة سَـامْـيَـة

عِـزّ الـدِّيـنْ فِـي لِـيـجِـي / مْـحَـمَّـدْ فَـالـبْـحَـرْ يْـرُوجِـي / فَـاطْـمَـة تْـقَـرِّي وُ تْـفَـاجِـي / سِـيـرَة غَـالْـيَـة

الـحَـاجْ يْـهِـيـبْ / بِـالـجُـودْ يْـجِـيـبْ / لِـلْـوَالِـيدْ يْـطِـيـبْ / أَقْـدَارْ قَـاضْـيَـة

تِـيـجَـانِـيَّـة حَـرْبِـيَّـة / فِـي الـشِّـدَّة قَـوِّيَّـة / طِـيـنَـة مْـرْضِـيَّـة / هِـيـبَـة رَاسْـيَـة

نَـجَـاة تْـطِـيـرْ / بِـالـضَّـحْـكَـة تْـنِـيـرْ / سُـمْـرَة تْـحِـيـرْ / رَشَـاقَـة بَـاهْـيَـة

** ** ** **

فَـطْـرِيـقْ الـزَّمُّـورِيَّـة / سْـتَّـة مْـطْـوِيَّـة / لِـلـدَّوَّارْ الـنِّـيَّـة / بِـالـهَـمَّـة الـعَـالْـيَـة

فْـبَـنِـي زَمُّـورْ / وُ كَـافْ لْـنْـسُـورْ / وُ خْـنِـيـفْـرَة تْـدُورْ / بِـخُـطْـوَة رَاقْـيَـة

طَـافْ لَـعْـلَا / شَـافْ لَـفْـلَا / عَـشْـقْ لَـخْـلَا / بِـخُـطْـوَة غَـادْيَـة

جَـابْ لْـمْـدُونْ / زَارْ أَسَـرْدُونْ / حْـكَى لْـمْـزُونْ / بِـسَـقْـوَة رَاوْيَـة

مِـيـدَلْـتْ لْـبَـارْدَة / عِـيـنُـو رَاڭْـدَة / جْـبَـالْ شَـاهْـدَة / وُ الـغَـلَّـة دَانْـيَـة

يْـتْـسَـارَى فَـأَمْ رْبِـيـعْ / وُ وَادْ ڭْـرُو الـسّْـرِيـعْ / خَـيْـرَكْ مَـا يْـضِـيـعْ / بِـصَـدَقَـة جَـارِيَـة

شَـافْ مْـكْـنَـاسْ / عَـشْـقْ لْـغْـرَاسْ / طْـلَـقْ الـكَـاسْ / بِـصَـحَّـة وُ عَـافْـيَـة

هْـوَى لْـغَـرْبْ / شَـلَّا مَـا جَـرَّبْ / وُ صَـابْ لْـقُـرْبْ / فْـمْـيَاهْ الـسَّـاڭْـيَـة

فَـالْـكَـامُـونِي بَـاتْ / شَـافْ لْـغَـرْبَـاتْ / وُ عْـنْـدْ أَحْـمَـدْ فَـاتْ / جَـولَـة بَـادْيَـة

فْـسِـيدِي الـسَّـايْـحْ / يْـجْـمَـعْ فَـالـسَّـبَـايْـحْ / وُ زَمُّـورْ الـفَـايْـحْ / بِـالـمَـشْـيَـة الـقَـاوْيَـة

سِـيدِي عْـثْـمَـانْ / حَـلْـقَـة وُ شَـانْ / جُـوطِـيَّـة زْمَـانْ / اَلْـعِـيـنْ رَاخْـيَـة

مَـا بِـيـنْ لْـقْـوَاسْ / وُ الـزَّاوِيَـة بِـالـسَّـاسْ / غْـزَاوْنَـة بِـالـقْـيَـاسْ / الـسِّـيـرَة الـزَّاكْـيَـة

** ** ** **

عِـشْـرِيـنْ وُ تْـسَـعْ / مَـا كَـانْ فَـزَعْ / طَـابْ الـزَّرْعْ / وُ الـنِّـيَّـة صَـافْـيَـة

رَحَـلْ الـفِـيـدْ / فَـجْـرْ الـعِـيـدْ / كُـلُّـو تَـوحِـيـدْ / وُ الـرُّوحْ رَاضْـيَـة

يُـومْ لْـجْـمَـاعْ / عِـيـدٍ مْـشَـاعْ / طَـابْ الـمْـتَـاعْ / وُ الـنَّـفْـسْ زَاهْـيَـة

جَـاتْ لْـخْـبَـارْ / شْـعْـلَـتْ الـنَّـارْ / طَـاحَـتْ لْـسْـوَارْ / وُ الـدَّمْـعَـة جَـارْيَـة

مْـسْـكِـيـنْ مَـرْكُـونْ / بِـالـهَـمْ مَـمْـحُـونْ / وُ الـعْـقَـلْ مَـرْهُـونْ / وُ الـكَـيَّـة كَـاوْيَـة

تَـا حَـدْ مَـا عْـلَـمْ / ضَـارْبِـيـنْ الـطَّـمْ / مَـحْـقُـورْ الـدَّمْ / وُ الـغْـبِـيـنَـة حَـامْـيَـة

تْـفَـكْ الـشِّـيـبَـة / مِـنْ هَـادْ الـخِـيـبَـة / نَـالْ الـطِّـيـبَـة / وُ الـرُّوحْ هَـانْـيَـة

حَـادَّة صْـبُـرِي / حْـزْنَـكْ يْـبْـرِي / دَمْـعَـكْ يْـجْـرِي / لْـعْـمِـيـمَـة جْـعَـيْـدَانْـيَـة

حَـرْمَـاتْ عَـزَاكْ / زَرْعَـتْ عْـدَاكْ / نَـافْـقَـتْ فْـبْـلَاكْ / بِـنِّـيَّـة قَـاسْـيَـة

مَـنْـعُـونِي مِـنْ عَـزُوكْ / لِـي ضَـرُّونِي ضَـرُّوكْ / غَـدْرُونِي فْـخُـوكْ / بِـفْـعَـايَـلْ دَاهْـيَـة

الـسَّـاعَـة دَانْـيَـة / الـدُّنْـيَـا فَـانْـيَـة / الـمَـنْـجَـلْ نَـاوْيَـة / وُ لْـعْـبَـادْ سَـاهْـيَـة

** ** ** **

لْـمْـجَـامَـعْ لْـغَـى / عَـمْـرُو بْـغَـى / صَـمْـتُـو صْـغَـى / دُنْـيَـا لَاهْـيَـة

فَـاتْ الـحَـالْ / رَحَـلْ الـخَّـيَـالْ / بْـقَـاوْ الـفْـعَـالْ / ذِكْـرَى زَاكْـيَـة

مْـحَـمَّـدْ بْـنَـاسُـو / وُ الـلِّي مَـاتُـو قْـيَـاسُـو / بَـابَـا تُـوتُـو سَـاسُـو / وُ عَـلَاهْ نَـافِـيَّـة

حَـلَّالْ لْـلْـمْـرَاصْ / خَـطَّـافْ لْـلْـقَـنَّـاصْ / جَـبَّادْ لْـلْـقَـرَّاصْ / بِـحِـيـلَـة مَـاضْـيَـة

الْـمَـدَّاحْ قَـالْ / مْـعَـانِي ثْـقَـالْ / هِـمَّـة الرَّجَّـالْ / اَلـدَّاتْ سَـاهْـيَـة

اَللّٰهْ يْـحَـدْ الـبَـاسْ / اَلْـحَـدِيـثْ قْـيَـاسْ / وُلْـدْ خُـوكْ سَـاسْ / عْـقُـوبَـة لْـتَـالْـيَـة

حَـادَّة صْـبُـرِي / حْـزْنَـكْ يْـبْـرِي / دَمْـعَـكْ يْـجْـرِي / لْـعْـمِـيمَـة جْـعَـيْـدَانْـيَـة

تْـفَـكْ الـشِّـيـبَـة / مِـنْ هَـادْ الـخِـيـبَـة / نَـالْ الـطِّـيـبَـة / وُ الـرُّوحْ هَـانْـيَـة

#حمودة_المعناوي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل