شايل زعل ؟

عودة وهيب

الحوار المتمدن-العدد: 1802 - 2007 / 1 / 21 - 12:35
المحور: الادب والفن
    

شايل زعل ... ياوردة الرمان؟
لو بعده الصبح تعبان ؟
ادري الصبح دربه بعيد
وبعينه بكايه الليل.....
خله ينام ... خله ايهيد
لو بعده الصبح تعبان
خله ينام...
بيش ايفيد
لو صبحك يظل نعسان
وعني لايظل بالك
ولاتهتم ...
انه... وي بكايا الليل اتسامر
واظل بمودتك سهران

امنّي الروح بأطيافك
ومن كاس العشك سكران

لاتهتم
تعودت الحزن يفلان
من ازمان
ياريحان
وصرت مدمن أهموم وقهر واحزان
ياريحان
وعلمني شتالك
انطر المزنات وانه بصيف
اطارد علسراب واظل عطشان
وما اشكي قهر روحي
تعودت العطش والجوع والحرمان
من ازمان
وبعز الشته والمطر والريح
يوزع كلبي اهدومه ويظل بردان
وقطاري...
تعود علسفر ومفارك الخلان
لانام بمحطة
ولا غفه باحضان
كلهه الناس عدهه اوطان
بس روحي
(بدون) وتيه العنوان

لايفلان.....
لاتزعل
ماريد الزعل يندل درب روحك
ولاريدك تظل حيران
ماعندي ولامطلب
اريدك... سالم وفرحان
بس..
سالم وفرحان

عودة وهيب


الكرمة – العراق- 18-1 -2007

#عودة_وهيب (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل