ورد النرجس

رحيم الغالبي

الحوار المتمدن-العدد: 1749 - 2006 / 11 / 29 - 10:21
المحور: الادب والفن
    

مثل ما يثلم ..الخبزه , ثلم كلبي
... صلاة الصبح , حسبالك
و أكابل بيها بس ربي !!!
مسح بعيونه ,من يخزر
نبض كلبي
عذاب العمر ..كضيته
وعتاب الكاه , بنص كتبي
رسم عا لحايط من ابعيد ....
هواجس روحي
نور وضي ..
مشه ألحايط ..... وظل الفي
عبرت اشكد
سواجي وياك...
عافتني الجروف..
وثبت بس المي
مشت ليش الشوارع ؟
ظلت الخطوات..تتخبط بغربه وهم
كمت اتطشر و التم
فتحت الكلب طلعت الاسرار البيه....
..... شفناها , جذب مديوره دايرنه ..
واحد جنه ..
صرنه أثنين ,
واحد عكس الثاني .... سافرنه
ابد نتلاكه مره
و يصفه ماي اوياك خاطرنه ..
أبد .. عكس الحلم كالوا الصحوه اتصير ,
و ألموعد ..طفل حباب
...... كل يومه يناطرنه ,
عكسنه العمر , شفنه اوياه آخرنه..
هاي اسنين ..
مفتاح العشك ضايع لكل البوب..
لاتكضي ولك ياطيف..
خل اتهنه بيه فد نوب
ما حسبالي..ورد الليل ,
ألكه ألصبح .. بس * خرنوب *
..جم مره ؟؟
جم مره ...كسرنه العمر ,
من نصه ؟ أبمعزه نتوب
جم مره ..
نحط ألعين :
... بجفوف الزغار... أنريد بس مكتوب !!!
...........
.....

هاي اسنين
تاكل عمري ,
دوب ادوب
ورد ألنرجس بروحي.. مثل صبير ,
يرسم عالضمير اذنوب..
.... ذبنه , ومثل ثلج أيذوب
تبنه... ونعتذر من الزمن
, والفي....
ومن أيوب

الشطره

#رحيم_الغالبي (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل