عودة ألبعث أم (عورة ) ألبعث

رحيم الغالبي

الحوار المتمدن-العدد: 1718 - 2006 / 10 / 29 - 11:12
المحور: كتابات ساخرة
    

أنكشفت للعيان للمفتشين وللعميان عورة البعث بعد ان اجتمعت بقايا اذنابه واعترفوا ان صدام خذلهم وهو سبب الاحتلال ودخول جيوش التحالف وكلمن لبس عباية مرته وحجابه وشرد للصحراء وبيوم دخول قوات التحالف ارتفعت اسعار العباءة والحجاب .... وتبرع مشكورا بشار اسد وسوريا مشهوره بصناعات الحرير فأرسل شاحنات (عبي وحجاب ) كتب عليها .... لدعم بطل البوابه الشرقيه لان البوابه الغربيه مطمأن عليها صار 40 سنه عند اسرائيل (ألجولان ) وباعتراف ألصداميين أنه بائع الجولان من زمن الاسد الكبير.
أنكشفت ألعوره بعد ان حملوه ألجبن وألخذلان.. و شرد حافي أمام ألامريكان.. وكان واحد شاهد عيان.. شافه لابس عباية وحجاب نسوان.. ( جان ضامهن للماجدات ) من ركبن سفينه وباخره أفترن على ألبلدان... ما خلن بحر يعتب ومنها خافوا الامركان...( وألله فشل وخزي أمام ألدول ) وهو ماركب بالباخره لانه يعرف يسبح خريج دورة البطه الذهبيه....طلع عريان بفضائيات وخافت دول التحالف من عضلاته.. تكول = طرزان =
ألمهم كالو بالسقيفه للحزب انه ألقيادة الاوليه تريدها بالوراثه....أحنا راح ما نخليها واحد يتسلط وان الحزب شاخ .. ( تعرف...شاخ ؟؟) من شخّ يشخ.. وراح نتحالف ( وي وي وي ) وي ألاحزاب ألوطنيه...!!! ونطي حريه = لمن يطلع ألامام الحجه...يلتحقون بيه؟؟؟ ومن برنامجهم أيسجلون لمن ( يعودون... عوده بدون عوره ) أيسجلون حتى ألقطط ببطاقه تموينبه لان راجعوا تجربتهم السابقه وكالوا شلون نسينه ألعتاوي واالبزازين ... وبسببهن كثرة سرقة أللحم من ألمطابخ... هذا خطأ ستراتيجي (الوحده ألعربيه) لذلك ما صارت من المحيط للخليج .. هالمرّه انسويها من ألمطبخ للهول... وقيادة شابه... يرشح لها دجاج ألحقول..وألابقار و ألعجول , ما نحتكرها مثل صدام ...
ألمهم مثل ما شالوا عن الديره وخلوا جلبهم ألاجرب لان خزاهم ... يريدون قيادة جديده ما بيها تسلط وما يلبسون زيتوني.... هاي ألمره أزرق وألحذاء(مثل قندرة المشهداني الديمقراطية) أبيض... وتفصال ألبدله مثل (ألبطريق ) .

ألخبر ألثاني بالشارع.. وطلع بالتلفزين كبل أدانتهم لصدام ... أللي صار احبل بعد شبر من ركبته...

ألخبر ألثاني
******* : تظاهر 50 مدري 500 من العراقيين ؟؟ زين خوش بشاره...حسبالنه خمس ملايين لان بالبيعه انتخبوه ميه بالميه ... ضلت بس ( ألنطيحه و ألمترديه ) ومنهم من طاحت عكلهم على قندرته وطلعوا بالفضائيات أمام دول وشعوب ألعالم .. ( والله فشله ..مثل السباحه )..
** تدرون بالحلم شفت ألشعب ألصيني شاركهم [التظاهره ] وجن ماو..(حتى ماو طلع من كبره ) ويركض كدامهم ؟؟؟ بس يصيح (باجر بالقدس يخطب أبو هيثم ) حسباله ألبكر .. بعده.... وفسرولي الحلم... كالوا اشبيك ماتفتهم غير ألحلم بالعكس . . ذوله يريدون أيجروه بالشارع ..كلت زين ألحبل وينه... كالوا صورة البكر ألشايلها ماو هي ألحبل ... لان البكر من مات عنده وصيه يكول يجي يوم أيجرون ألظالم بالحبل..
زين محامين الدفاع عنه يكولون هو ألرئيس لازال .. ( لو مطالبين بأقليم لصدام يحكم بيه ذوله هم و كلابهم وبزازينهم وفارهم ..يصيرون ألف )
لو واحد أيجر أذن هذا ألمحامي وينطيه قرار جماعة صدام وايكله تره صدام حكموه جماعته ناشز وبعد فتره ينطوه الطلاق..... وعسى يحضر بيوم طلاقه. . بالمحكمه أيدافع عنه !
هاي هي =عورة ألبعث = مو عودة ألبعث هلبت المحامي ينزع عكاله وغترته ويغطيها.... لان مسيرة قرية في كركوك... ما تكفي وحده أُثنين عشره.. حتى ألاذيه شملت عوائل جماعته أللي ورطهم بدم الشعب... 3 سنوات ما يطلعون للشارع ... بعد ما جانوا ابطال الشارع .. وخله عوائلهم ترجف ليل نهار من الجوع و ألخوف...
يجي يوم ونحتفل (بيوم ألحبل ألعالمي )... وينك ... يا رؤؤف ألقاضي ...

#رحيم_الغالبي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل