سبع صنايع و ألامن ضايع...!!1

رحيم الغالبي

الحوار المتمدن-العدد: 1738 - 2006 / 11 / 18 - 11:17
المحور: كتابات ساخرة
    

للدوله العراقيه ... ثلث ارباع الوزاره لحفظ الامن والنزاهه والاجتثاث...!! و ألان بحدود 7 جهات معنيه واختصاصها لحفظ الامن وتذهب 7 بالعشره من الخزينه للموسسات الامنيه.... والخراب والاستهتار بالامن اصبح بحدود 7 بالعشره......وهؤلاء السبعه المبشرين بحفظ الامن هم
1 مستشار الامن القومي
2 وزير الداخليه
3 وزير الدفاع
4 وزير الامن الوطني
5نائب رئيس الوزراء لشؤون الامن الوطني
6 جهاز الامن العام
7جهاز المخابرات
عدا مجاس الامن الوطني الذي يضم الله اعلم.... ومستشارالرئيس ... طلعوا اكثر.... من سبعه غير مليشيات كل من دك صدره وكال انه احمي العراقيين واطرد الجيش الامريكي المحتل....( يضرب راسه بالدبابه و يحطمها ...مدري ..ا يضر......!)
كلها الهوسه ولاول مره بالتاريخ من آدم دنت نفسه على التفاحه...ولليوم ما صارت خطف مديريه بكامله موظفيها ومراجعيها وبزازينها و بنص بغداد و بوضح النهار.....وايشدون ايديهم ويرزموهم مثل السلعه .... واعتقد شحنوهم بنقليات الشورجه... السلعه واكثر من مائة شخص والخاطفين بيهم خمسين ..اااااااااشلون طلعوا يتمشون بالكرادة والباب الشرجي ( وايكرزون حب ) وين ضمايركم ....وفوكاهه بيدهم كلبجات.....!!! ألله أكبر ..مثل ما نطق بيها المؤمن صدام....ألله أكبر بس بافلام الكرتون تتصدك...مو راح الشعب العراقي ايموت من القهر اضافه للتفخيخ....
**ألحل هو : اتوقع( المش هداني) يحلها لانه حلال المشاكل: ايحلها ايخلي حمايه تاسعه وعاشره لذوله اللي عددتهم حمايه للشرطه حمايه للامن والى مستشار الامن القومي و ونسيت حماية المنشآت لكل وزاره ,,, بالالاف
ينراد حمايه للحمايه ودفاع للدفاع وامن للامن وحرس منشآت لحرس النشآت ( لصتها اعليكم اعتقد بس مجلس النواب.... موجود..... واعضاء بيه هددوا علني يوم قرار اعدام (صكرالبيده) بأن الامور تتخربط أكثر وبالفعل سووا الي رادوه.....عيب ما صايره وزارة التعليم العالي هي اساس البلد اللي تخرج كل كوادر العلم هكذا تهان.....
اتذكرت سالفة مشكلة حكومة اليمن كان سابقا كل وزير وراه عشيره....واختلفوا الشمال وي الجنوب...., ورغم تخلف العشاير ما وصلت بيهم لهذا الحد.....؟؟
وين الوطنيه والاسلام....
كفر يا دعاة الوطنيه والاسلام... صار العراق كعكه وكلمن ياخذ منها عضّه..؟؟
اكثر من سبع وزارت اوبمستوى الوزارات ما تحمي الوطن..... حلوا الحكومه وسووها وزارة وحدة (لامن العراق)....
أحد رموز حفظ الامن سمعت عنه وما صدكت الان ..انه جان ضابط مسؤؤل وحدة عسكريه في البصره وحدة هندسة عام 90 و91يوم احتلال الكويت يكولون الجنود والعرفاء اللي وياه باك بايديه ورجيله من وحدته من صارت الانتقاضه ومن اموال وزارة الدفاع بوحدته لانه رئيس وحده(وباسم الوحده .....والحريه و الاشتراكيه ) شمتاني شافها فالته... بعدين طردوه لاختلاسه ورشواته...واللي حجاهه موجود =انه ما صدكته = المهم من سقط الصنم سوه نفسه معارض وجان في ادغال بوليفيا مع جيفاره وكاسترو حط روحه بخانه من دكاكين الاحزاب وصعد وبالقوائم صار جبير جدا (ما اعلم بيه هو يعرف نفسه وضباط وجنود وحدته يعرفوه حسب ما كال الراوي.. حتى يوم تنصيبه اسار تره انه ما جنت كذا .... وآمر الوحده من ينطرد ...أشهر من نار على علم.... تسولف بيه المعسكرات انذاك...هذا يحفظ امن..؟
وأهل ألناصريه يقرون الممحي
وعودة ألصنم وأهل الصنم ( كطبه وأشلعوهه من أذانكم أذا صدام ما كاص أذانكم )1..!!

#رحيم_الغالبي (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل