محمد رزاق العكلة
الحوار المتمدن-العدد: 7370 - 2022 / 9 / 13 - 10:35
المحور:
الادب والفن
كلولها... وحجولها.
من طلعت اباب السف بذني ترن حجولها
الماخذج لا مو سبع
بس انا اعرفه من الربع
والبوست اثرها على الخصر
لو ركز شويه بعد يمكن يطلع آثارها
كلوله لا يحويها
بليل العرس خاويها
وبليل من يحجي بغزل رايد يخرب احساسها
واصل وياها من العشك مخضر وليدي براسها
كلوله لا يدناها
بلجذب خل انساها
ولو ركز شويه بعد يلكالي اثر بنفاسها
لا تخبروها ما جرى
في بعدها دمعي جرى
أصبحت بعدكي تائهً اتعثرُ حتى في الهوى
انسوها عشقي والغزل وعني لا تحجولها
لو جبتو طاري بغلط تأخذها صفنه شطولها
اتحبني لسه وما نست
بعيونها كلشي حجت
لمن شفتها كبالي
كالتلي زفوني ومشو ودوني للمو مالي
كالتلي بعدك جن متت
اعجيز وأكثر صرت
فكدت عزيز وغالي
لن ولفي بس عني بعد
الشيب لجتافي صعد
واصل لراسي وما كعد
شيبلي حتى خيالي
#محمد_رزاق_العكلة (هاشتاغ)
كيف تدعم-ين الحوار المتمدن واليسار والعلمانية
على الانترنت؟