قصيدة / جرح ناي

خلود الحسناوي
اعلامية وشاعرة
(Khulood Sabri)

الحوار المتمدن-العدد: 7309 - 2022 / 7 / 14 - 08:44
المحور: الادب والفن
    

ليش اجيت..!؟

ليش اجيت وهيجت كل الجروح ؟..

ياما تانيتك ليالي..

گمبرة ابابك تنوح ..

انته ،

انته مو ذاك الگلتلي بيوم :
روح !؟

.العشگ يفلان صنعه ..

العشگ ..

مو لعبت جهال ..

ولا انانيه ورياء ..

العشگ رحمة ،

وساعة حلوة..

مثل ساعات الدعاء ..

يستجيب الباري بيها برحمته ..

وينطي كل مراد ع النية البريئة ..
لأمته،

وينشر طيور الفرح وي السحاب ..

بكل سماء ..

وتنزل سوالف محبة ..

وتنثر ارياحين مابين الجنان..

ليش اجيت وفززت نزف الخواطر ؟..

ليش ؟

ليش مستغرب تفارگنا ؟

وتطشر كل هوانا؟ !

وي الدفاتر..

لملمت اشواگ من بين السنين ..

وحنة چفوف وظفاير..

والهجر منك هديتي ،
واني مثل الصام شهره..

وباقي لهلاله يناطر..

ليش اجيت ؟؟!..

ما استحيت!؟

وانته خاوي..

بلا وداد ولا مشاعر ..!!

...

الحط ملح..

بيده بجرح..

متعوب ويغني ..

ابونين مفارگ احبابه وهله ..

لايعاتب..

لايعاتب ليش تنزف للصبح..

الناي يعزف الم ذبحه..

من تسمعه تگول يعزف للفرح،

ومن تسأله..

يجاوب بونه وحنين

وروحه ملهوفه اعله ربعه ..

يجاوبك ناي الحزن:

تعبان ،

گصوني من گصبة وبقى يندي الجرح .

ليش اجيت ؟.

#خلود_الحسناوي (هاشتاغ)       Khulood_Sabri#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل