قصيدة الشّتا مُش ليه

وعد جرجس

الحوار المتمدن-العدد: 7216 - 2022 / 4 / 12 - 00:51
المحور: الادب والفن
    

قصيدة الشاعرة السورية وعد جرجس الشتا مُش ليه رداً على قصيدة الشاعر المصري هشام الجخ الشتا مش ليك

الشِّتَا مُشْ ليْه !
معرَفشِ قال بيحبّو ليه
أنا لسّا شايفاه بيضحك
وبيكدِّب دموع عينيه
يخبِّي الضّعف لو مطَّر عشان مايبنشْ ؟!
ولَّلا عشان إحساسو خان
العقلِ اللّي مُشْ راضخ لِيهْ ؟!

مشكلس نَفسو بشالْ مشقوق
وكعوب رجليه مليانَة شقوق
وصَوابعوا تبَلبَطْ في المَيَّة
اللي بتسبح جوا الجزمة وأدِيه
عامِل جوَّا البرواز دفيان
برواز إيه يبني بلاش جنان
والبردِ مخَلاش ليكِ أسنانْ
تتغزَّلْ بالمطرة وقلبك
بيرترتْ مِالهمّ وتعبانْ

سيب دمعَكْ يجري ومتخبِّيش
الكسرة اللي فروحَكْ بتبانْ
دا الحبِّ اللي فقلبي لافَّك
بمشَاعرو القايدة بكل حنانْ

يابني الفَقرِ مالوش حلِّ انسى
ومَتحلمشِ بأشياء لِسَّا
دا الحِلم فخيمتَك دِيه قَرفانْ
يمكن لو تسأل يتكلِّم ويقولَّك
نِمتِ البارحَة جِعانْ
سيب حِلمَكْ لأهل الدَّفا والمال
واِرمِ البرواز دا بلاش جنان
ماهو حتِّةْ خشبة مَهرِيَّة
مش زيِّ اللي فبيتِ السُّلطانْ

ملناش غيرو يامَّة اسمعني
ده الرَّب يقول اسعى وصلِِّ
عندو ولا حاجة تعدِّي ضِيعانْ

فَقركْ مش عيب بسٍّ متبقاش
تتغزِّل فالشَّتا لو بردَانْ
اِصرخ وارفض واقع مُزرِي
خلَّا اللي مالوهشِ أمانْ دفيانْ
وِالطيِّبْ ماشِي وبيعافِرْ
تلاقيه لاحق رزقو وشَقيانْ
في الصّيف نار الشّمس بتكوِيْ
والمطرة فتشرين البَكيانْ
بِتخَبَّطْ على بابَكْ مَخلوعْ..
باب إيه مش لمّا يكون في حيطانْ ؟!

الشِّتا مش ليكْ
كان ألها الجَخ وصَدَّقنا
علشان كلّ اللّي تقال دا عَليكْ
اِكدَح و اعمِلْ شالَكْ بإديكْ
خَلِّ الشِّتا يشعل فيك نيرانْ
ماتهابش الصَّعب أنتَ الأقوى
والفَقر بعمروا ماكان متهانْ
بدموعكْ دي وأنت بتضحك
بكرامة كُنتْ أجمل إنسان
فَمتتغزِّلشِ بتعتيرَكْ
على شان دلوقتي الشِّتا مُشْ ليكْ .

#وعد_جرجس (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل