أخبار عامة - وكالة أنباء المرأة - اخبار الأدب والفن - وكالة أنباء اليسار - وكالة أنباء العلمانية - وكالة أنباء العمال - وكالة أنباء حقوق الإنسان - اخبار الرياضة - اخبار الاقتصاد - اخبار الطب والعلوم
إذا لديكم مشاكل تقنية في تصفح الحوار المتمدن نرجو النقر هنا لاستخدام الموقع البديل

الصفحة الرئيسية - الادب والفن - سمير الأمير - رباعيات وجع القلب والفرفرة.. عامية مصرية... شعر.. سمير الأمير















المزيد.....

رباعيات وجع القلب والفرفرة.. عامية مصرية... شعر.. سمير الأمير


سمير الأمير

الحوار المتمدن-العدد: 7199 - 2022 / 3 / 23 - 15:09
المحور: الادب والفن
    


شعر سمير الأمير
رباعيات وجع القلب والفرفرة.(بالعامية اامصرية)

1

كنِيت ف حضنك زي طفل بريء
ف الحلم طبعا مش،بحق وحقيق
ومفيش لا دنيا ولا بشر بتلوم
نفسي أقوم،الاقي نفسي جرييء
٢

وربي ما فيك لا حاجه واحدة تتعيِّب
عمرك خفيف ع القلب وحلو وقريِّب
بس الزمن ياجميل عداك وعداني
لو يجي من تاني،عمر نشاني ما يخيِّب

٣

ماشي لوحدي من غير هدي أو علامة
لو خدت راحتي، اضمن منين السلامة
خايف ياخدني البوح،ف دوح الربيع
الاقي نفسي باضيع،ويقومولي القيامة.
٤

يعني اطمئن واقول وحشتيني؟
ولا ساعتها تغضبي و تطلعي عيني؟
وتقولي ناقص رباية، والدنيا تهددني
ولاحد يستجرا وينجدني لو قتلتيني؟
٥
و(احشني)، لوقلتها ما يسألوش عن سبب
و(حشاني)،تبقي قليل الأدب
وضع الألِف،هوه السبب ف الحريقة
منطق سخيف الحقيقة،وحاجه ليها العجب
٦


عديتي كام م العمر،كتر خيرك؟
راجع بطيء وكئيب قوي من غيرك
بس مواسيني،رغم قلقي وهمي
إن انتي باقية ف دمي،كتر خيرك.

٧

خبيني حب وحنان،لا عار ولا خيبه
كلي مشاعر جريحة،كلك مقدرة وطيبه
هربان لحضنك من زمن اجرام
خلط الحلال والحرام،معادش فيه عيبه
٨


خدلك يومين شمسار مُهج واقعة
روح اتلهي علي خيبتك الناقعة
بكره نقابلك ف اخرة الأيام
عاري من الاحلام، بتكتك من الساقعة
٩


من انهي سكة تحبها ياحزين؟
دي فرفرة احلام وفاتها سنين
كمل يومينك جنب حيط الصبر
القطر عدى،راح تجيبه منين؟
١٠


يادي الزمن بالراحة ما تجريش
انا عجوز"هلكان"ونفسي اعيش
شغلت خالي صبيه دشدشت قلبي
مش ذنبي،لو رجليا ماتشلنيش!!
١١


لا حِس فيِّا لا بجسد ولا روح
كأي كرسي قديم فوق السطوح
لاحد بص عليا ولا عبر المنظر
وياريتني أشعر ،حتي بألم وجروح



١٢

منك لباب السما،ياريت يكون مفتوح
دعوة ترد الحبيب،تشفي فؤاد مجروح
يا رب لا يعجزك ترَّجعه تاني
صحيح ف طبعه أناني،لكن يرد الروح

١٣

كأني باصرخ ف البريِّة واهاتي
لا منها سِمعِتني،ولا مني عشت حياتي
والشعرا خافوا اختفوا،مابانش،منهم حد
إن جيتوا بقي للجد،رعبتهم رباعياتي!

١٤

ولولا هيه كنت غنيت فين؟
صوتك سحرها ب ياليلي ياعين
نامت بتحلم بالغرام والحب
قايمه تِشِب،ازاي بدون رجلين؟
١٥

ولولا هيه،كنت انا ضليِّت
وكفرت بيها بعد ماصليِّت
دي بنت صافيه،كل روحها جمال
زرعت آمال ف ضميري،وانا حبيِّت.
١٦

قلم الحساب مفروض يترفع عننا
مهما جرينا بنلحق ايه ف سننا؟
حتي ان مسكنا عمرنا ما بنعفق
لا مؤاخذة لو نعشق، بنشتغل نفسنا
١٧

الطيبه في وشها،زلزلت قلبي
فطب في حبها، انجدني ياربي
هوَّه اللي مال يمَّها،هوه اللي يتأدب؟
حرام أنا اتعذب، بذنب، مش ذنبي
١٨

عديتي، عدي روحي يا ختي لحالك
معادش باقي ف عمري ما يبقالك
رجعت ملامحي، كنتي ضيعتيها
كلبشت فيها،حاعمل ايه بجمالك؟
١٩


العمر كان سيرُه ف ضل مسيرِك
رجع كئيب وبطيء قوي من غيرِك
بس مواسيني،رغم زهقي وهمي
باقي هواكي في دمي، كَتَّر خيرِك !

٢٠

عديتي طير الدوح وطير جارح
واحتارنا بين دي الوقتي وامبارح
مرة كنسمة صيف ومرة كالإعصار
مع بعض جنه ونار، مرار طافح !!
٢١


عديتي فوقنا،كام مانيش فاكر؟
لا المخ دفتر ولا ف الحساب شاطر
كتير ما شاء الله،عشاقك الضايعين
ضحايا قلب لعين،مفتري وقادر !!
٢٢

عديتي فوق العمر ست سنين
يوم جنه،يوم نار،وكفر ودين
وِتفتري وترِقي، قسوة وحب
وتقطعي ف القلب بالسكاكين

٢٣
و ياما غدر دهستي طين ونبات
ورسمتي طيبتك سهتنه وسُكات
غلبانه بتربي ف عيال أيتام
وحقيقة الاجرام،تاهت ف الابتسامات
٢٤


عديتي فوقنا واحنا مش قضبان
اتخن ما فينا كان غبي وغلبان
نسي تاريخك، خش ع المستقبل
كان يعمل ايه الأهبل،الحب كله جنان؟

٢٥

عديتي كام من صنفنا المتنيِّل؟
جننتي كام عاقل وخطفتي كام عيِّل
كراكة تغرف من قيعان الدنيا
ولا ثانية بتغفل،ولا تقيِّل

٢٦

تاكلو جاتوه، ليه ما تكلونا؟
الطعم أحلي، ياللي نسيتونا
والستر أجمل واحنا وياكم
وكنا صنَّاكم وصنتونا !
٢٧

خفي شويه، انا روحي وجعاني
ياما جننتني ف دنيتي أماني
وانتي جمالك منبع الإجرام
وكمان، حرام، في العمر ده أعاني !

٢٨

الحب بالقصد، رَعي جمب الحِما
وأغلب الظن،آخرُه هم ودما
لكنُّه لو طَب ع القلب،لا تعانده
ده رحمه من عنده،وحنان م السما
٣٠

الحب بالقصد إجرام و وز شيطان
ولو طبيعي لوحدُه يبقي أحلي جنان
يارب أوعدني بقدر ونصيب
وقلب مخلص حبيب، ينجدني م الحرمان!
٣١

فيه م الجمال مجرم ما يرحمشي
مجرم بريء طبعا ما أجرمشي
هوه وجوده كده عامل قلق ف الكون
جنني وانا مجنون،أهبل ما بعقلشي

٣٢

وبرغم سنك جميله يخرب مطن الجمال
لحد امتي جمالك يسحر ويسبي الرجال؟
يخلق أمل للغلابه ويملا ليلهم أماني
وقلوب كتيرة تعاني والحلوة سايقه الدلال

٣٣

البنت دي متفرقه علي كل معني جميل
خضار عيدان الشجر وطمي النيل
بنت العروق والعرق والحلم بالانبات
عروسة ف الحكايات وصبيه ف المواويل


٣٤

لو موتي دمعة ف عنيكي
حابكي ف قبري عليكي
وانتفض ، واقطع الأكفان
ميت وصابه جنان،راجع يعزيكي!!

٣٥
البنت دي بالحق مش موجودة
واعجب ما ف الأمر انها محسودة
كافة قصايدي ف عشقها أحوال
يا محرومين م الخيال دنيتكو محدودة


٣٦

بصراحة كل ما قلته كدب ف كدب
لو يعصروني ما يلاقوش غير حب
ع الدم كل اللي حسبته فات
و نار حرايق الذكريات،بتشوي القلب



#سمير_الأمير (هاشتاغ)      



اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين
حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل


كيف تدعم-ين الحوار المتمدن واليسار والعلمانية على الانترنت؟

تابعونا على: الفيسبوك التويتر اليوتيوب RSS الانستغرام لينكدإن تيلكرام بنترست تمبلر بلوكر فليبورد الموبايل



رأيكم مهم للجميع - شارك في الحوار والتعليق على الموضوع
للاطلاع وإضافة التعليقات من خلال الموقع نرجو النقر على - تعليقات الحوار المتمدن -
تعليقات الفيسبوك () تعليقات الحوار المتمدن (0)

الكاتب-ة لايسمح بالتعليق على هذا الموضوع


| نسخة  قابلة  للطباعة | ارسل هذا الموضوع الى صديق | حفظ - ورد
| حفظ | بحث | إضافة إلى المفضلة | للاتصال بالكاتب-ة
    عدد الموضوعات  المقروءة في الموقع  الى الان : 4,294,967,295
- فيلم ريش
- سؤال من امرأة
- الغاضبون من الرباعيات
- علم النفس المجاني
- كان عندي. حق... يا هيئة القصور
- نظرية المؤامرة أم واقع الحياة
- قضية الشعر بين الصمت والإنشاد- الشاعران محمد البرغوثى وعبد ا ...
- صندوق ورنيش- ديوان الشاعر محمد عطو
- ليست النائحة الثكلى كالمستأجرة-
- على عبد العزيز الشاعر التلقائى الجميل
- أكتب نيابة عنى
- هشام السلامونى - هل يموت الذى كان يحيا كأن الحياة أبد؟-
- عصافير هاربة من دق الصفيح الرواية داكنة والحياة متجددة وخضرا ...
- شىء من الأدب.. كثير من النقد
- ظاهرة التسول
- -يوم الثبات الانفعالى أم زمن التشيؤ و تبلد المشاعر- قراءة فى ...
- فصول من سيرة التراب والنمل- تلقائية السرد عند الروائى - حسين ...
- العامية المصرية بين الانفعال والافتعال قراءة فى أشعار محمد ع ...
- هشام السلامونى - جدل الفعل والانفعال-
- في مديح التفاهة


المزيد.....




- أزمة الفن والثقافة على الشاشة وتأثيرها على الوعي المواطني ال ...
- -كائناتٌ مسكينة-: فيلم نسوي أم عمل خاضع لـ-النظرة الذكورية-؟ ...
- مصر.. الفنان بيومي فؤاد يدخل في نوبة بكاء ويوجه رسالة للفنان ...
- الذكاء الاصطناعي يعيد إحياء صورة فنان راحل شهير في أحد الأفل ...
- فعالية بمشاركة أوباما وكلينتون تجمع 25 مليون دولار لصالح حمل ...
- -سينما من أجل غزة- تنظم مزادا لجمع المساعدات الطبية للشعب ال ...
- مشهور سعودي يوضح سبب رفضه التصوير مع الفنانة ياسمين صبري.. م ...
- NOW.. مسلسل قيامة عثمان الحلقة 154 مترجمة عبر فيديو لاروزا
- لماذا تجعلنا بعض أنواع الموسيقى نرغب في الرقص؟
- فنان سعودي شهير يعلق على مشهد قديم له في مسلسل باللهجة المصر ...


المزيد.....

- لا ميّةُ العراق / نزار ماضي
- تمائم الحياة-من ملكوت الطب النفسي / لمى محمد
- علي السوري -الحب بالأزرق- / لمى محمد
- صلاح عمر العلي: تراويح المراجعة وامتحانات اليقين (7 حلقات وإ ... / عبد الحسين شعبان
- غابة ـ قصص قصيرة جدا / حسين جداونه
- اسبوع الآلام "عشر روايات قصار / محمود شاهين
- أهمية مرحلة الاكتشاف في عملية الاخراج المسرحي / بدري حسون فريد
- أعلام سيريالية: بانوراما وعرض للأعمال الرئيسية للفنان والكات ... / عبدالرؤوف بطيخ
- مسرحية الكراسي وجلجامش: العبث بين الجلالة والسخرية / علي ماجد شبو
- الهجرة إلى الجحيم. رواية / محمود شاهين


المزيد.....
الصفحة الرئيسية - الادب والفن - سمير الأمير - رباعيات وجع القلب والفرفرة.. عامية مصرية... شعر.. سمير الأمير