أنا متطوع

ليلى الدسوقى
كاتبة
(Laila Al-desoky)

الحوار المتمدن-العدد: 7080 - 2021 / 11 / 17 - 13:29
المحور: كتابات ساخرة
    

علمت من صديق لى ان وزارة التربية و التعليم فتحت ابوابها للتطوع بالتدريس المجانى بالمدارس الحكومية لسد العجز بها بناء على قرار من الدكتور طارق شوقي وزير التربية و التعليم للسماح لحاملي المؤهلات العليا التربوية ممارسة مهنة التدريس تطوعًا، حيث يعمل المتقدم بدون أجر ووفقًا لضوابط خاصةو حصول كل متطوع نهاية العام الدراسى على شهادة خبرة موثقة من الوزارة و شهادة تقدير بشرط كتابة اقرار بعدم مطالبة الوزارة فيما بعد بأية تعيينات بها او اى رواتب مالية منها مقابل هذا التدريس
قررت الذهاب الى الادارة التعليمية الخاصة بمحافظتى صباحا لمعرفة المزيد عن هذا التطوع و بداخلى شعور اكيد انه لن يتقدم اى احد للتدريس المجانى او بمقابل 20 ج للحصة كما يزعم البعض
و اصابنى الذهول عندما وجدت حشد هائل من الخريجين من جميع المؤهلات تنتظر امام الادارة التعليمية للتقدم للتدريس المجانى
انها البطالة إذن!!! دخلت ديوان الادارة التعليمية وجدت حجرة مكتظة بالموظفين ( بطالة مقنعة )
وجهت سؤالى الى أحد الموظفين لو سمحت انا عاوز اتطوع بالتدريس
رد على شخص جالس يطالع الجريدة روح ثالث حجرة على ايدك الشمال لمدام سناء
ذهبت الى ثالث حجرة فى الممر ، لو سمحت فين الاستاذة سناء المختصة بطلبات تطوع التدريس
ايوه عاوز ايه (مدام سناء قائلة)
انا عاوز اتطوع بالتدريس
معاك مؤهل تربوى او دبلوم تربوى و شهادةI C D L و شهادة الخدمة العامة
بس ليه كل ده هو انا هتعيين ؟
هى دى شروط الوزارة و مفيش تعيينات كمان
على العموم ايوه سيادتك حاصل على كل الشهادات اللازمة للتطوع و حاصل ايضا على دراسات عليا
طيب انت عاوز تطوع فى مدرسة ابتدائى و له اعدادى و له ثانوى و انت عارف ان مفيش مقابل مادى ، التدريس مجانا يعنى ممكن تمشى حالك بالدروس الخصوصية
ايوه عارف بس انا مش عاوز اعطى دروس خصوصيةو عاوز اشتغل متطوع أعمال إدارية بالادارة التعليمية
طيب اطلع الدور الثالث فى شئون العاملين لمدام تيسير لكتابة طلب تطوع بالادارة و اقرار بعدم مطالبة الوزارة بالتعيين فيما بعد نحن نحتاج حد يضبط لنا قاعدة البيانات على الكمبيوتر اصل احنا محتاجين حد يفهم فى الكمبيوتر و عندنا عجز فى كل ادارة فى التعامل مع الكمبيوتر
صعدت الى مدام تيسير و دخلت احدى الحجرات و قلت لموظف يجلس بقرب الباب و امامه كمبيوتر قديم و مشغل القرآن الكريم و يطالع الجريدة الرياضية فين مدام تيسير لو سمحت
ايوه انا مدام تيسير عاوز ايه
سردت لها نفس الكلام السابق ردت قائلة ده مش اختصاصى ده تبع الاستاذة سناء بالدور التحتانى
طيب يا افندم الاستاذة سناء هى اللى ارسلتنى هنا
للاسف ده مش اختصاصى و رد شاب عشرينى هات الطلب كده قرأ سريعا و قال لى ده فى كلمة خطأ بالكمبيوتر المفروض يتم اعادت طبعه مرة اخرى علشان لو فى تعيينات فى المستقبل القريب
قلت له ده طلب مطبوع منه نسخ كثيرة بالمكتبات بالخارج ( التطوع بمدارسنا ) ممكن نشطب الكلمة و نكتب ( التطوع بادارتنا ) دى مش المشكلة و بعدين مفيش تعيينات
نزلت و انا اشعر بضيق ده يا جماعة تطوع و الله العظيم تطوع و لا جاى اخذ مكان حد او رزق حد او اطالب بالتعيين ارغب بالشعور ان لحياتى هدف و ان شهاداتى التعليمية لن تذهب هباء
دخلت الحجرة السابقة مرة اخرى و قلت لمدام سناء الاستاذة تيسير قالت ده مش اختصاصى
طيب روح لوكيلة الادارة الاستاذة ايمان هى محتاجة متطوعين يساعدوها فى شغلها ذهبت الى مكتب وكيلة الادارة و هى فى النصف الثانى من العقد الرابع دخلت وقفت امامها حتى تنتهى من اعمالها و بعد فترة من الوقت تحدثت ، نعم عاوز ايه
لو سمحتى حضرتك انا متطوع
قالت لى هل تستطيع ان تتحملنى انا بتاعت شغل و اظل اعمل حتى بعد مواعيد العمل الرسمية و لا اقبل بأى اجازات
عاوز اوضح شىء لسيادتك هو حضرتك ده مش تعيين ده تطوع بدون اجر و سمعت انه لمدة يومين فقط
ده نظامى فى العمل ، فين التقارير يا سعيد ( تحدثت مع سكرتير مكتبها ) تركتنى واقف و لم تعيرنى اى اهتمام
و مشيت راجعا للاستاذة سناء مرة اخرى و لا اعرف اقدم طلبى البأس هذا لمن ؟
ارغب فى مساعدتهم فى العمل مجانا فى اى قسم شئون العاملين او قسم التنسيق او قسم الحسابات لكن اقدم الورق لمن ؟
يا جماعة انا متطوع و الله العظيم متطوع

#ليلى_الدسوقى (هاشتاغ)       Laila_Al-desoky#          

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات