مصطفى التركي
شاعر
(Mostafa Eltorky)
الحوار المتمدن-العدد: 7057 - 2021 / 10 / 25 - 23:46
المحور:
الادب والفن
إتخيلي
صوت الغثاء
واتخيلي
همس النسيم
واتخيلي
نقطة وحيدة في الهوا
وركزي فيها
الذكريات، وشراسة الأحداث، ومجموع المسائل اللي مش محلولة
صبيها في النقطة
أو هاتي كوباية
وقولي
نُصَّها ميّة، وفيها سُكّر، ليها وِدْن، مُطَرّزة بنقوش
حاولي تِفَضِّي الطاقة في الجمادات
وفي دُنيا التخيل
النوم
هيجي
وان مجاش دلوقت يجي كمان شوية
الحزن
كل الناس معاها في جيبها منه
ماتزعليش.
#مصطفى_التركي (هاشتاغ)
Mostafa_Eltorky#
كيف تدعم-ين الحوار المتمدن واليسار والعلمانية
على الانترنت؟