مصطفى التركي
شاعر
(Mostafa Eltorky)
الحوار المتمدن-العدد: 7057 - 2021 / 10 / 25 - 17:26
المحور:
الادب والفن
أعرف مُراهق
أُمه سافرت للسما
خلى حبيبته أم ليه
ساب المذاكرة وأكل عيشُه
حَبَّها
خيَّط شرابُه وحط رُقْعَة للجاكت
بَسْمِل وقال
يارب انا
ضهري اتعوج زي الهلال
خليها جنبي تسنده ثم استقيم
حَسِّت حبيبته انكساره في الدُعا
سمعت أنين القرش في جيوبه
نَدَهِت على أول مواصلة شافتها في الشارع
والليل دموعه نجوم على الغلبان
والشجرة رَسَمِت قلب ليه حرفين
والورد كرمش نفسه في سجن البوكيه
والنيل ونيسُه ف غُرْبتُه ساعة اشتياق
أعرف مراهق أمه سافرت للسما
خلى حبيبته أم ليه
بسمل وقال
مستهونين ليه بالفراق!
#مصطفى_التركي (هاشتاغ)
Mostafa_Eltorky#
كيف تدعم-ين الحوار المتمدن واليسار والعلمانية
على الانترنت؟