الزعماء العرب بعد اللقاءات المستمرة:

مصطفي النجار

الحوار المتمدن-العدد: 1638 - 2006 / 8 / 10 - 10:32
المحور: كتابات ساخرة
    

الفلوس كتير بس الشعب العربي مابيعرفش..!!

حصلت أزمة في السكر قولنا وماله ، وحصلت أزمة فى القمح_العيش وخلافه_قولنا وماله.لكن معقول تحصل أزمة في الوحدة العربية (المفككة) طب إزاى والله زعلتني..إحكي إحكي يا عم وما تتكسفش ما بقناش في زمن الكسوف ،دى العروسة اليومين دول في الفرح بقت تقول للعريس أنت هتبوس أمتى عشان نجيب الحمار المصور يخدلنا صورة عشان خاطر أمي تفرج عليها شلة المأطيع صحابها !
ندخل في الموضوع قال إيه يا أخويا الحكومات العربية بتقول إنها مديونة طب نوضح!..ممكن تشوف راجل غنى وما بيعرفش ..آه..ليه لأ، أهي الدول العربية عاملة زى الراجل اللي قوته 64حصان ومابيعرفش.
بس مش لأزم نسكت لأن السكوت معناه الرضا! والرضا بإيه يا حسرة؟د أنت تشوف الزعيم العربي! من دول واقف قدام الكاميرات ومبتسم وفاتح بؤه_فمه_للهوا أل إيه سعيد وفرحان لنتيجه المباحثات التي أجريت ..يا خويا روح جاتك نيله(علي رأي مارى منيب) ،ويا سلام لو شوفته علي الحقيقة_ربنا ما يوعدك_ بتلاقيه ملهوش لازمه في الحياة ونافش ريشه علي الفاضي والمليان أل يعني جرىء حنين ما يعرفش الباشا إنه تلميذ فى المدرسة الأمريكية_أكيد عارف بس بيصيع_وكمان طرطور.
لكن لا نريد أن نسيء الظن بالإخوة الزعماء لأن مشاكل الحياة كتير، وفلوس بلادهم أكتر فربنا يعون الجميع من الحرامى إلي النصاب..قال وإحنا فاكرنهم بيتفسحوا في لقاءاتهم الخارجية؟ لأ طبعا ، بلاش نظلم حد دى ربنا ما بيرضاش بالظلم ولا إيه حتي لا يقول عنا حد إحنا فشارين وكدابين ووقحين..والحمد لله الشعب العربي كله والله كله غرقان في النعيم وبيظيط كمان بس حبينا نطمن السادة المسئولين..! إن الفلوس اللي بتوصلنا كتير علينا والله كتير فياريت تقللوها شويه عشان إبتدت تنتشر أمراض الغي بينا ، والفلوس بقت علي الأرض بدل الأفلت والناس مش عايزه تخدها وكاننا رجعنا لزمااان أيام الجنيه الجبس والريال اللي بيجيب كل حاجة ويتفضل منه . بس بالأمانة أنا خايف علي الناس من المال السايب لأن المال السايب بيعلم إيه..بيعلم السرقه عشان كده باعتقد إن المسئولين الكبار زى بتوع ماسبيرو والمدن الجديدة والمحليات بيسرقوا أكيد عشان هم شبعنين؟!
وعلي فكرة الناس ده صحاب واجب لأنهم بيعملوا موائد رحمان فى رمضان وبيتبرعوا للمستشفيات اللي محتاجة!وبيعمروا المساجد والكنائس والشوارع ومخلين العيشه أخر ظأططة ، وبيرشحوا نفسهم فى مجلس الشعب والتاني بتاع الشورى عشان يوظفوا الفلوس إياها بشكل صايع يحقق مستوى أكثر رفاهيه للشعب.
وأنا بدعوا الناس اللي بتتكلم عن الناس إياهم_الحراميه_ بطلوا تتكلموا عن أولئك الشرفاء الأوفياء المخلصين للبلد لأن الكلام عنهم بيثير الشكوك حوليهم وهم مش ناقصين كفاية المتربصين بالبلد

#مصطفي_النجار (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل