المدرسة.. واللي فيها.. واللي بيجري فيها!

مصطفي النجار

الحوار المتمدن-العدد: 1639 - 2006 / 8 / 11 - 02:23
المحور: المجتمع المدني
    

في إحدى مدارس مصر لما تمشى من قدامها تشوف مكتوب على سورها"مدرستنا جميلة نظيفة متطورة"..!! ولما تدخل من باب الطلاب الكبييير في بداية اليوم الدراسي تجد طلاب عاملين دماغ مختلفة، منهم دماغ كورة وآخرين من النوم والدروس الخصوصية، ويبدأ طابور الصباح _وما الفائدة منه_وتجد الطلبة الذين يتفاعلون مع تمارينه هم طلاب أولي ثانوي، أما طلاب الشهادة_تانية وتالتة_تلاقيهم مسقطين وقرفنين..يا ترى ليه؟!أكيد من التمارين الهبلة والإدارة الأكثر هبلا وطبعا لا يخفي علينا أن الواد من الثانوية لازم يظبط على محطة المترو المجاورة قبل وبعد بدأ اليوم الدراسي عشان يعمر الطاصة ويعمل الدماغ المطلوبة، وكمان عشان يملي الموبيل بتاعه_اللي جبهولة بابا_ بنمر البنات الجامدة وكل ده جزيء من الطقوس اليومية للطلاب. صحيح نسيت أقول ان الطلاب بتحب تفرد دراعتها قدام البنات فلازم تعملها "خناقتين" ولا حاجة..بس أحب أقولهم الرجولة ادب مش خناقات.
تبدأ الحصة الأولي ويبدأ الهم والغم وتقل الدم بتاع الأساتذة، ويا سلام لو كان مدرس مادة علمية تلاقية معقد وما بيعجبوش العجب ولا الصوم في رجب، وتبتدي الحصة بالأسئلة..يا تري ليه!! لان الأستاذ بيحب يفرد مهاراته امام الطلاب ويقولوا عليه مدرس جامد وبيعرف يشرح ويخافوا منه وياخدوا معاه درس كمان،أو يعملولوا ألف حساب ويجولوا مذاكرين الحصة اللي بعدها.
وتعدي الحصص وتيجي الفسحة ويبدأ نشاط الطلاب الصيع والخناقات تبدأ وتشوف يا مؤمن تلاقى كلوا بيضرب في كلوا،أو تبص علي السور وتصدم لما تشوف الكتل الطلابية بتنط من عليه للوصول الي ذروة الحرية ،أما الطلاب المحترمين الجادين ومش كلهم يعد فى اخر حصتين وهو بيبص للساعة ويقول"امتي هيقطم الراجل أو الوليه ده" .
ويا سلام لو كانت الحصة الخيرة مادة تطبيقية ما بتدخلش ضمن المجموع، ممكن تلاقي العيال بتضرب المدرس او بيشتغلوا المدرسة ، وفي النهاية بيزوغوا من الفصل ومن المدرسه والسؤال هنا فين حاميها...؟!

#مصطفي_النجار (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل