دفاتر غربة...!

مسلم الطعان

الحوار المتمدن-العدد: 1599 - 2006 / 7 / 2 - 02:37
المحور: الادب والفن
    

الى الشاعر خلدون جاويد والمرتحلين
بفلك دفاترهم في طوفان الغربة العارمة!

تحمل دفاتر غربتكْ...
إو شعركْ نزيفْ
مالكْ محطه ثابته غير النخلْ
إو شبّة مضيفْ...
مرتبط بيها إشماغ أبوك
شبّة بختْ...
إو نخلة شرفْ
عتتها شيناتْ العواصفْ
ماإلتوتْ...
إو ما خضعتْ إلْريح الخريفْ...!
تحمل دفاتر غربتك...
إو شيباتك الما مرّن إبخاطر أبوك
صارن مشاعلْ...
موّالهن عاشر خطاكْ
ويّاكْ...
ويّاكْ...
ويّاكْ بالليلْ الطويلْ...
يلشايلْ إجبالْ الحزنْ والمستحيلْ
يلشاتلْ إبجرفْ القصيده إورودْ
ما إلهنْ مثيلْ...
إتفتشْ إبقاموسْ جرحْكْ
عن بديلْ...
فتشتْ مثلكْ قواميسْ الجروحْ
جسته بيدي...
إو تاه من إيدي البديلْ
البديلْ...
البديلْ...
البديلْ التمطره إشفاف الفراتْ
إو يطفي جمرات الغليلْ
يا صهيلْ...
يا صهيلْ...
يا صهيلْ الجرحْ بينه
الما تشبهه إبشهكًته صيحة صهيلْ
يا عويلْ...
يا عويلْ...
يا عويلْ الآه بينه
الما تشبهه إبوّنته ريّة عويلْ...!
تحمل دفاتر غربتك...
وأحمل دفاتر غربتي
ويحمل دفاتر غربته
بالغربه أصبحنا دفاتر
نعزفْ نشيد إجراحنا
عدنا وطن إنشيله نفسْ
ونتبادله رشفة حزن بأقداحنا
عدنا وطن روحه رحيبه
إبحبلْ الجرحْ...
شد روحه ويّه أرواحنا
عدنا وطن متسودنه إعليه الخناجر
لمّن تطعنه إبصفحته
تحفرْ خنادقْ نزفْ وسط ْ اصفاحنا
عدنا وطن طيّبْ ومحرابه مناير
إطويراته إحنا وحبه صار إجناحنا
عدنا وطن كلّشْ عزيز
عدنا وطن ما ننطي بيه
واليذبحه إبليلْ...
واليذبحه إبعز الظهر ذبّاحنا
هذا الوطن مصباحنا إبليلْ الحزنْ
ما صارْ مصباحْ الغربْ مصباحنا...!
تحمل دفاتر غربتك...
تقراها بديار الثلجْ
كل دفتر إلسانه جمرْ
لو ضاكًته إشفاف الثلجْ
إتشيلْ إو تهجْ
تكتبْ وصاياها الأخيره وتنتحرْ
أحّاه يا وجه العراق...
الما مثلْ سحره سحرْ
أحّاه يا أرضْ السوادْ
يمته نبدل إسوادنا؟
يمته القربْ من دجله يمحي ابعادنا؟
يمته تفتّح بالمحبه أورادنا؟
نتعنّه إلبابْ الحوايجْ طالبينْ إمرادنا
يمته نذوبْ أجمل قصيده إبشفّتج بغدادنا؟
صرنا مجلّد للحزن...
من الدمعْ فاضتْ بحورْ إمدادنا
صرنا دفاتر للحزنْ...
والشيبْ بجيوشه زحفْ لأولادنا
إحتلانه وإجيوشه اوصلت لأولادنا
إحتلانه وإجيوشه أوصلت لأولادنا...!

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل