تيار ودحلان مين يجرا يقول يا غرقانين

طلال الشريف

الحوار المتمدن-العدد: 6590 - 2020 / 6 / 11 - 11:18
المحور: القضية الفلسطينية
    

خلينا نحكي بالبلدي
مين يجرا يقول حقيقي، وانتو الفاشلين، مين يجرا يقول حقيقي، وانتو الفاسدين، يمكن لو حدا فيكو ناجح،. أو لو حدا فيكو نزيه، يسمعولوا الناس، الأحسن ليكو شوفوا الناس، شوفوا وين وديتوا الناس، سيبوكوا من دحلان إنتو مش على بالو.

اللي بيبيع وبيشتري صارت الصورة أوضح للجمهور، واللي وصلوا البلد في الحيط قاعدين ليش قوموا روحوا،.

شتموا التيار أو دحلان، خونوا وألفوا أمراضهم في قصص، وإستعانوا بالأجنبي، وكل يوم لهم قصة لتضليل الناس هروبا من أزماتهم، أزمات خانقة في داخلهم وخارجهم، مع المواطن ومع الصحفي، ومع البياع، ومع الدكتور، ومع الأستاذ، ومع اللي بينتقد، واللي بيجتهد ليحرر شعبه ويرفع عنه الظلم والمعاناة.

نسيوا إنو دمروا شعب وقضية، وزادوا الطين بلة في بحثهم عن هوية.
هوية التيار أوضح من الواضح، وقائد التيار عارف وين رايح، واللي زعلان يشرب البحر كله.

شوفوا مسؤولياتكو، وسيبوكو من دحلان والتيار، إطعمو الجوعان، وشغلوا العاطل، وإحموا الناس، مش تطعموا حالكو، وتشغلوا أولادكوِ، وتحموا حالكو.

شوفوا الأرض وين صارت، وشوفوا القدس وين راحت، بلاش ترموا فشلكو على إسطوانة دحلان المشروخة.

لما تفلسوا ويغضب عليكوا الجمهور، يسرح خيالكو وما في إلا تجيبوا سيرة قائد وتيار سايرين ولا هاممهم خزعبلاتكو.

الفالح فيكو يعمل للناس، وينجز للوطن، مش لجيبته وحزبه، ومش لخدمة لمشاريع مالو شعبنا فيها.

والله صارت مضحكة، مهزلة، كل واحد فاشل في سياسته بيرمي على دحلان.

الشعب صار فاهمكو منيح كلكو ، وأول ما تطلعوا قصة على دحلان، بيعرف إنكو مزنوقين، وساقطين في امتحان قيادة شعب وقضية .

ظبوا طابقكوا الممجوج ، دحلان والتيار ولا على بالو، دحلان والتيار ورفاقهم ماشيين لقدام، وما بتعيقوهم.

شباب وقيادات التيار ورد، وبيتحملوا المسؤولية، وكلكو بتتراجعوا، ودحلان والتيار بيتقدموا، ولا هاممهم شو بتحكوا، ولا شو بدروشوا، لا إنتو، ولا اللي أكبر منكو.

التيار واضحة مواقفه ومواقف قياداته، ونصيحة ليكو خليكوا بفشلكو، أصل الجمهور كشفكوا.

نصيحة مليحة اللي عنده إخفاق يصارح الجمهور بإخفاقه، مش عيب، بس العيب، لما يرمي الحمل على غيره.

التيار ودحلان بيقولوا وحدة، وانتو بتقولوا إنقسام، التيار ودحلان بيساعدوا شعبنا، وإنتو بتلموا أموال شعبنا وباسرقوا رواتبهم،.

التيار ودحلان بدهم ينهضوا بشعبنا، وإنتو دمرتوا شعبنا والقضية، دحلان بيقلكو شوفوا الشعب والقضية، وانتو كابسين على نفس الشعب والقضية.

اللي بيظلوا يحلموا بدحلان شوفولكو حل عالبدري، ما عاد الناس تسمعكوا، بعد ما خربتوا الوطن، ومؤسسات الوطن، وحرمتوا الطفل من مصروفه، وراتب أبوه، وعلاجه.

كفاية خليتوا الشعب يشحذ، كفاية ضيعتوا القدس والأرض، كفاية ذليتوا العباد والبلاد، وصادرتوا مستقبل أجيال كانت تحلم بمستقبل، وصارت عيشتهم سودا من عمايلكو.

قديش صارلكو بتقولوا دحلان عمل وسوا، ودحلان بيتقدم، وانتو بتتأخروا، شوفولكوا حجج ثانية أفلامك محروقة.

دحلان والتيار كل يوم في إنجاز، وبتقدم، ولا على بالو، وانتو مين على بال مين يا اللي بترقص في العتمة، يا غرقانين شوفولكو خشبة غير دحلان تنقذكو.

#طلال_الشريف (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل