أول الشهر

ضياءالدين محمود عبدالرحيم
مفكر وداعية اسلامي و اقتصادي، مطور نظم، مدرب دولي معتمد، وشاعر مصري
(Diaaeldin Mahmoud Abdel Moaty Abdel Raheem)

الحوار المتمدن-العدد: 6415 - 2019 / 11 / 21 - 15:28
المحور: الادب والفن
    

يا اول الشهر وطابور طويل
والكل واقف سرحان ورا مكنة قبض
حيقضى ايه راتب؟
ويعمل ايه وسط غلا الأسعار؟!

ويعمل ايه وايه وسط جشع تجار؟!
وناس تانية ماهيش حاسة
بطعم الذل والحاجة
مرار في مرار

أصلهم صحيح عايشين في نعمة
ماهوماش حاسين بناس ضايعة
بتجري ورا لقمتها من الفجر
صحيح طالعة
وناس واكلينها والعة

ناس بتصرف في فلوس ملهاش اخر
وناس محتارة تحسب ع الورق
مصاريف رمضان و الاعياد
مصاريف جامعة

مصاريف علاج ولزومه
وناسنا التانية
ولا عندها دم ولا سامعة

و بنتصبر و بنقول
اكيد حييجي وقت ويحسوا
أصل الزمن دوار
والدنيا اصلها ساعة
وكل واحد وليه ساعة

وليه وقت معلوم يقف فيه أمام ديان
يحاسبه يومها ويقوله
مكنتش حاسس ليه بناس غيرك؟!

منزلتش في يوم من عينك ليه ولا دمعة
على ناس من الشقا ضايعة؟!
ما فاضش ليه خيرى على غيرك
وانا اللى اديتك بغير حساب؟!
مقستمش ليه خيري بالعدل و بالانصاف؟!
ولا تجاوب أنا عارفك صحيح كداب؟!

#ضياءالدين_محمود_عبدالرحيم (هاشتاغ)       Diaaeldin_Mahmoud_Abdel_Moaty_Abdel_Raheem#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل