طالب الجليلي
(Talib Al Jalely)
الحوار المتمدن-العدد: 6106 - 2019 / 1 / 6 - 02:15
المحور:
الادب والفن
كل الليالي ..!
جاوبني يحلو الطول
موش ايدي التدگ الباب
گلبي اللي هزه الشوگ
ما مرتاح ومن العشگ
مخبول وايده اتطول!!
صوتك من يجي
امن ابعيد
روحي اتهيد
بس گلبي مثل مهره
الفارگت أمها
تظل ابحركة شوگها
اتصول ابألم
وتجول..!
مادريت الصوت
نسمة فجر
تهب وياها ريحة نخل!
نسمة جنوب
مرت ابشط العرب
لملمت
ريحة البردي
اوهمسات اوحفيف
اوأبو ذيّات اورگص
غابات الگصب!!
اوتمر ليله
اوليالي الشوگ
يلمامش بيها أمل
اغسل اعيوني
صبحيه ابشوفتك
ما أدري ليش
اتطول ...!!!
5 ك2 2019
....
....
#طالب_الجليلي (هاشتاغ)
Talib_Al_Jalely#
كيف تدعم-ين الحوار المتمدن واليسار والعلمانية
على الانترنت؟