البوگه عد راعي الچلب

رقية حسن

الحوار المتمدن-العدد: 5774 - 2018 / 2 / 1 - 00:00
المحور: الثورات والانتفاضات الجماهيرية
    

البوگه عد راعي الچلب
بلهجة العراقيين الدارجة
يسولفون اهلنه وسوالفهم بيها رباط ومعنه ومن ذيچ السوالف انقللكم هاي السالفة
يگولون اكو رجال اشتراله سيارة وگام يشتغل بيها وصارت عيشته وعيشة عياله عليها بس هوه چان بيته زغير ومابيه گراج والسيارة تضل بالشارع ذاك اليوم صارت حرمنه على السيارات وصاحبنه ضل ينطر وتشلعت عيونه يخاف على. سويويرته تنباگ حتى الصبح من يطلع للشغل يطلع يغفي وكاتله النعاس . حگه ما نايم
وحتى ربعه السواق فطنوا عليه ، نشده واحد من ربعه السواق ، وسولفله حاله وشلون ينطر ، صاحبه ماگال باطل ، گله أنه أعلمك تروح تشريلك چلب يجل السامع وتربطه يم السيارة عاد من ينبح انته تفز وبعد محد يكرب للسيارة، صاحبه كيف وراح للقرية وشتراله چلب وربطه يم السيارة واخذله چم ليلة ينام رغد والچلب ناطور
ذاك اليوم گعد الصبح مالگه السيارة مبيوگه والچلب بمچانه وعلى ربطته
المهم راح للشرطة واشتكى طلعوا وياه لمحل الحادث ، مفوض الشرطة شاف الچلب مربوط ،نشد صاحب السيارة گله هذا الچلب الك گله ايه إليه ، منيام شريته گاله هاااا شريته؟! ما مربيه گله؟ ! لا يا بعد عمك شريته من أفلان ابن افلان،
خلوه وراحوا وره يومين ودوا عليه گالوله تعال لگينه سيارتك وگضينه الحرامي راح المركز لگاه الحرامي راعي الچلب الشتراه منه وعرف سبب سكتة الچلب شعجب ما نبح على الحرامي من حيث هو مربيه
ورباط سالفتنه يا بعد عمكم على الچلاب المتربية عد غيرنه وكل واحد عده مدري شچم جنسية هذوله ما ينبحون على الحرامي المربيهم ومنطيهم جناسي، وكلكم گبل ايام شاف العلاق شلون يدافع عل مزدوجي الجنسية .
وعساهه بحظ وبخت ذاك الزلمه السلطهم علينه عساله بحظه وبخته ايه والله .

#رقية_حسن (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل